ءبىلىم وردالارى اعىلشىن تىلىندە ساباق بەرۋگە مەكتەپ تولىعىمەن دايىن بولعان جاعدايدا عانا كوشەدى. بۇل تۋرالى ءبىلىم جانە عىلىم ءمينيسترى كۇلاش ءشامشيدينوۆا ايتتى.

ۇكىمەتتە وتكەن باسپا ءسوز ءماسليحاتىندا ءبىلىم ءمينيسترى ۇشتىلدىلىك ماسەلەسىنە توقتالدى.

"ەڭ ءبىرىنشى ماسەلە – قازاق ءتىلىن وقىتۋ. ەكىنشى ورىس ءتىلى، اعىلشىن ءتىلى. تىلدەردى وقىتۋ دەڭگەيگە بايلانىستى ءتورت داعدىنى دامىتۋعا باعىتتالادى. ياعني، ول تىڭداۋ، ايتۋ، سويلەۋ جانە جازۋ. سوندىقتان بالالارعا اعىلشىن تىلىندە ساباق بەرۋ تەك 10 جانە 11 سىنىپتا، بالانىڭ تىلدىك قابىلەتى جەتكىلىكتى بولعان جاعدايدا جانە مەكتەپ دايىن بولعاندا مەكتەپتىڭ شەشىمىمەن جۇرەتىن بولادى"، - دەدى ءشامشيدينوۆا.

ونىڭ ايتۋىنشا، ءقازىر 153 مەكتەپ اعىلشىن تىلىندە ساباق بەرۋ باعدارلاماسىنا كوشكەن. ءبىلىم مينيسترلىگى بۇل وقۋ ورىندارىنا مونيتورينگ جاساپ وتىر.

سونىمەن قاتار، ءشامشيدينوۆا ەلىمىزدەگى اپاتتى جانە ءۇش اۋىسىمدىق مەكتەپتەردىڭ ماسەلەسى قالاي شەشىلەتىنىن ايتتى.

"الداعى ءۇش جىلدا 190 مەكتەپ سالىنادى. ونىڭ 89-ى ءۇش اۋىسىمدىق، 13ء-ى اپاتتى، 72ء-سى ورىن تاپشىلىعى بار مەكتەپتەردىڭ ماسەلەسىن شەشەدى"، - دەدى ول.

ءمينيستردىڭ ايتۋىنشا، بولاشاقتا مەكتەپ قۇرىلىسىنا اقشا بالا سانىنا بايلانىستى بولىنەدى. ءبىلىم ورداسىنىڭ قايدا جانە قالاي سالىناتىنىن جەرگىلىكتى اتقارۋشى ورگاندار شەشەدى.

ءشامشيدينوۆا تاۋەلسىزدىك جىلدارى ىشىندە ەلىمىزدە 1672 مەكتەپ بوي كوتەرگەنىن تىلگە تيەك ەتتى. ايتۋىنشا، ورتا ءبىلىمنىڭ ينفراقۇرىلىمى ءبىرىنشى كەزەكتە ءۇش اۋىسىمدىق، اپاتتى جانە ورىن تاپشىلىعى بار مەكتەپتەردىڭ ماسەلەسىن شەشەتىن بولادى.