بۇگىن الماتى قالاسىندا، ءال-فارابي جانە نازاربايەۆ كوشەلەرىنىڭ قيىلىسىندا "ۇمىتىلماس 1986-2011" دەگەن جازۋى بار باننەر پايدا بولدى دەپ حابارلايدى Qamshy.kz اقپارات اگەنتتىگى تھe-village.kz سايتىنا سىلتەمە جاساپ.
ازىرگە بۇل باننەردىڭ كىمگە تيەسىلى ەكەنى جانە ۇستالعانداردىڭ بار-جوقتىعى تۋرالى اقپارات جاريا بولعان جوق.
ءبىراق...
"بيىلعى كوكتەمدەگى بيلىك اۋىسىمىنا، سايلاۋ ناۋقانىنا قارسىلىق ءبىلدىرىپ جاتقاندار – 1930 جىلدارداعى اشارشىلىق، رەپرەسسيانى، 1986 جىلعى جەلتوقسان كوتەرىلىسىن، 2011 جىلعى تولقۋلاردى ۇمىتپاعان ازاماتتار. بۇل قۇرباندىقتاردى ۇمىتۋ مۇمكىن ەمەس. ءبىز ءوزىمىزدىڭ بۇگىنگى احۋالىمىز بەن قۇقىعىمىز ءۇشىن كۇرەسە بەرەمىز. ءبىز ازات بولۋدى قالايمىز جانە تاڭدايمىز"، - دەگەن ماتىندەگى جازبانى rukh2k19 دەپ اتالاتىن ينستاگرام قولدانۋشىسى جاريالادى.
ەسكە سالا كەتەيىك، ءبىرشاما ۋاقىت بۇرىن ءال-فارابي داڭعىلىنىڭ بويىندا "ەدينستۆەننىم يستوچنيكوم گوسۆلاستي ياۆلياەتسيا نارود" دەگەن جازۋى بار باننەر ىلگەنى ءۇشىن رومان زاحاروۆ قاماۋعا الىنعان ەدى.
وعان "كىشىگىرىم بۇزاقىلىق" جاسادى دەگەن ايىپ تاعىلىپ، اكىمشىلىك كودەكستىڭ 434-بابى، 1ء-بولىمى بويىنشا جاۋاپكەرشىلىككە تارتىلعان.
اۋدارعان: ادىلەت مادەنيەت
پىكىر قالدىرۋ