بيىلعى جاس تۇلەكتەردىڭ جۇرەگىن تولقىتىپ جۇرگەن ۇبت كۇنى جاقىنداپ قالدى. وسىعان وراي، Qamshy.kz اقپارات اگەنتتىگى جاس تۇلەكتەردىڭ كوكەيىندەگى ءبىرشاما سۇراقتارعا جاۋاپ بەرەتىن جازبا جاريالاۋدى ءجون كوردى. اتالمىش جازبا ق ر بعم الەۋمەتتىك جەلىدەگى پاراقشاسىندا جاريالاندى. 

ءبىرىنشىسى جانە ەڭ ماڭىزدىسى – ۇبت فورماتى بويىنشا بۇرىڭعىداي قالادى جانە فورمات بويىنشا وزگەرىستەر بولمايدى.

پاندەردىڭ سانى بۇرىڭعىداي 5 جانە تەست تاپسىرمالارى – 120، ماكسيمالدى باللدار سانى – بۇرىڭعىداي، وزگەرمەگەن، 140.
تالاپكەر ادەتتەگىدەي 3 مىندەتتى پاندەردى تاپسىرادى:

- قازاقستان تاريحى،

- ماتەماتيكالىق ساۋاتتىلىق،

- وقۋ ساۋاتتىلىعى.

جانە ءوزى تاڭداعان ماماندىق بويىنشا 2 سالالىق پاندەر.

ەكىنشىسى

2019 - جىلدان باستاپ ەندى ۇبت جىلىنا 4 رەت وتكىزىلەتىن بولادى: قاڭتار، ناۋرىز، ماۋسىم جانە تامىزدا. ەستەرىڭىزگە سالا كەتەيىك، وسىعان دەيىن 3 رەت بولاتىن: ماۋسىم، تامىز، قاڭتاردا.

قاڭتارداعى، ناۋرىزداعى جانە تامىزداعى ۇبت-گە قاتىسقان تالاپكەرگە سەرتيفيكاتپەن جوو-نىڭ تەك اقىلى بولىمدەرىنە عانا تۇسۋگە قۇقىق بەرەدى، ال تەستىگە قاتىسۋ اقىلى بولادى.

وسى ءۇش تەستىلەۋدىڭ ناتيجەسى بويىنشا باسقا ۇلگىدەگى سەرتيفيكاتتار بەرىلەدى، جانەدە ولار گرانت الۋعا جارامايدى.
ەگەر تالاپكەر مەملەكەتتىك گرانت العىسى كەلسە، وندا ول مىندەتتى تۇردە ماۋسىمدا ۇبت تاپسىرىپ، تەك سونىڭ قورىتىندىسى بويىنشا عانا گرانت بايقاۋىنا قاتىسا الادى، جانە دە جوعارى بالل جيناعان كەزدە عانا بيۋدجەت ەسەبىنەن ءبىلىم الا الادى.

اقىلى بولىمگە ءتۇسۋ ءۇشىن تالاپكەرلەرگە 4 ۇبت بىرىنە قاتىسىپ، شەكتى بالل جيناسا جەتكىلىكتى.

مىسالى، تالاپكەر قاڭتارداعى ۇبت قاتىسىپ، 120 بالل جينايدى – ەندى ول 1ء-شى اقپاندا جوو قابىلداۋ كوميسسياسىنا بارىپ، بىردەن شارتتى تۇردە اقىلى بولىمگە تىركەلە الادى، ال ەگەر سوڭىرا گرانت العىسى كەلىپ، ماۋسىمدا ۇبت قاتىسىپ 50 بالل جيناسا، وندا ول قاڭتارداعى 120 بالل جيناعان سەرتيفيكاتىن كورسەتىپ، گرانتقا ۇمىتتەنە المايدى. گرانت ءۇشىن ۇبت ماۋسىمداعى ناتيجەسى عانا جارامدى، سوندىقتان ول اقىلى تۇردە وقۋعا تۇسە الادى.

ءۇشىنشىسى

قاڭتاردا ۇبت-گە 3 ساناتتاعىلار قاتىسا الادى:

1. 11 نەمەسە 12 ءبىتىرۋشى سىنىپتاردىڭ وقۋشىلارى؛

2. قىركۇيەكتە جوو-نا شارتتى تۇردە وقۋعا تۇسكەندەر؛

3. شىعارماشىلىق ماماندىقتاردان باسقا ماماندىقتارعا اۋىسىپ جاتقان ستۋدەنتتەر.

ناۋرىزدا ۇبت تەك 11 نەمەسە 12 ءبىتىرۋشى سىنىپتاردىڭ وقۋشىلارى عانا تاپسىرادى.

ماۋسىمدا گرانتقا ۇمىتكەر بارلىق ساناتتار تاپسىرا الادى.

تامىزدا - اقىلى بولىمگە تۇسەتىندەر جانە وسىعان دەيىن قاجەتتى بالل جيناي الماعانداردىڭ بارلىعى.

ءتورتىنشىسى

شىعارماشىلىق ماماندىقتاردان باسقا ماماندىقتارعا اۋىسقىسى كەلەتىن ستۋدەنتتەر ءۇشىن ەكى سالالىق ءپان بويىنشا ەمتيحان تاپسىرۋلارى كەرەك. سەبەبى ولار شىعارماشىلىق ماماندىقتارعا وقۋعا تۇسكەندە سالالىق پاندەر بويىنشا تەستىلەر تاپسىرماعان، سوندىقتان بۇل ماماندىقتاردان اۋىسۋ كەزىندە وسى ايىرماشىلىقتى تاپسىرۋلارى ءتيىس.

بارلىق تۇلەكتەرگە سەرتيفيكاتتارمەن بىرگە اقپاراتتىق پاراقشالار بەرىلەدى، وندا ءسىز قۇجاتتتار تاپسىرا الاتىن ءبىلىم بەرۋ باعدارلامالارىنىڭ ءتىزىمى؛ اعىمداعى جىلى بولىنەتىن گرانتتار سانى؛ وتكەن جىلدارداعى گرانتتىق بايقاۋلاردىڭ ناتيجەلەرى جانە وتكەن جىلدىق جارتىلاي شەكتى باللدارى كورسەتىلگەن. بۇل قۇجاتقا نازارا اۋدارۋ كەرەك.

بەسىنشىسى

دايىندىق باعىتتارىنىڭ جاڭا توپتاۋشىسى.

جاڭا توپتاۋشىنىڭ ەنگىزىلۋىنە بايلانىستى گرانتتار ءبىلىم بەرۋ باعدارلامالار توپتارىنا ءبولىنىپ تاراتىلادى.
مىسالى، "اقپاراتتىق تەحنولوگيالار" سەكىلدى توپ بار، ونىڭ قۇرامىنا ينفورماتيكا، اقپاراتتىق جۇيەلەر، بلوگچەين، بيگ داتا جانە ت.ب. اقپاراتتىق باعدارلامالار ەنەتىن توپتار بار.

ايتالىق، بۇل توپقا 1 000 گرانت ءبولىندى دەلىك، بۇل گرانتتارعا بايقاۋ وسى توپتى كورسەتكەن توپتار شەڭبەرىندەگى ۇمىتكەرلەر اراسىندا وتەدى. ۇمىتكەرلەرگە وسى توپ بويىنشا گرانت ۇلەستىرىلگەن سوڭ، ول ۋنيۆەرسيتەتكە قابىلدانادى جانە وسى باعدارلامالار توپتارىنىڭ شەڭبەرىندە ناقتى باعدارلامانى ءوزى تاڭدايدى. ياعني، ەگەر اقپاراتتىق تەحنولوگيالار بويىنشا گرانت ۇتىپ السا، كەيىن بيگ داتا نەمەسە وسى توپ ىشىندەگى باسقا دا باعدارلامانى تاڭداي الادى.

ۇسىنعان: ادىلەت مادەنيەت