ستاتيستيكا بويىنشا ءبىز ءبىر اپتادا 8،5 ساعاتقا جۋىق ۋاقىتتى الەۋمەتتىك جەلىلەردە: گازەت، جۋرنال، راديو، TV، ينتەرنەتتە وتكىزەمىز. وسى جەلىلەرگە قاراپ ءجۇرىپ، كۇنىمىزدىڭ ءبىراز بولىگىنىڭ قالاي ءوتىپ كەتكەنىن بايقاماي قالامىز دەپ جازادى Qamshy.kz اقپارات اگەنتتىگى.

مىنە، ءدال وسى 8،5 ساعاتتى «بوس ۋاقىت» دەپ ەسەپتەيىك.  تەلەديدار مەن توك-شوۋدى كورۋدى ازايتىپ، ونىڭ ورنىنا كەرەمەت، پايدالى ىستەرمەن اينالىسۋعا بولاتىنىن بىلەسىز بە؟

– كۇندەلىك جازىڭىز

كۇندەلىك جازۋ ارقىلى ءومىردى تەرەڭ تۇسىنۋگە جانە جازۋشىلىق قابىلەتتى ارتتىرىپ قانا قويماي، نازاردى ەڭ ماڭىزدى زاتتارعا اۋدارۋعا كومەكتەسەدى. ونى قاعازعا نەمەسە ەلەكتروندى تۇردە جاسساڭىز بولادى. كۇندەلىك جازۋ ءۇشىن كۇنىنە 5-10 مينۋت نەمەسە اپتاسىنا ءبىر ساعات ۋاقىت ءبولۋ ماڭىزدى ەمەس.

نە جازۋ كەرەك؟ كۇندەلىكتى دوسىڭىزداي كورىپ، جان-دۇنيەڭىزدى اقتارىپ جازىڭىز. ماقساتتارىڭىزدى جانە وعان جەتۋ جوسپارىن نەمەسە دەنساۋلىعىڭىز ءۇشىن تاماقتانۋ كەستەسىن، كۇن ءتارتىبىن ەنگىزىڭىز.

– قارجىلىق جاعدايىڭىزدى وڭتايلاندىرىڭىز

30 جاسقا تولعاندا اياققا نىق تۇرۋىڭىز كەرەك. تەك قانا اقشا تاپپاي، ونى جيناپ، ينۆەستيسيالاۋدى ويلاڭىز. ەگەر قارجىلىق جاعىنان شەكتەۋ بولسا، كىرىس -شىعىستارىڭىزدى رەتتەۋگە ۋاقىت ءبولىڭىز.

قارجىلىق كۋرستاردان ءوتىڭىز. ۇنەمدەۋگە داعدىلانىپ، پايىزى جوعارى كرەديتتەردى ءبىرىنشى جابۋعا تىرىسىڭىز. بۇل جەكە قاراجاتتى باسقارۋدىڭ ءبىر عانا جولى.

قارجىڭىزدى ۇتىمدى پايدالانىڭىز، ءسىزدى بايلىققا جەتكىزەتىن ادەتتەردى ۇيرەنىڭىز، بالالارىڭىزدى قارجىلىق ساۋاتتىلىققا ۇيرەتىڭىز.

– جادىڭىزدى جاتتىقتىرىڭىز

ەستە ساقتاۋ قابىلەتىن بۇلشىق ەت سەكىلدى جاتتىقتىرۋ كەرەك. ول ءۇشىن منەمونيكالىق ءادىستى جانە ءارتۇرلى جاتتىعۋلاردى جاساۋعا بولادى. دۇرىس تاماقتانىپ، ۇيقىنى قاندىرىپ، كوپ قوزعالۋ دا ماڭىزدى.

جادىنى جاقسارتۋ ارقىلى وقۋدا ۇلكەن جەتىستىككە جەتەسىز. ومىردە كەزدەستىرگەن ادامداردىڭ ەسىمىن، ەرەكشەلىكتەرىن ۇمىتپاي، دوستارىڭىز كوبەيەدى. باسەكەلەستىكتە ەستە ساقتاۋ قابىلەتىنىڭ ءرولى زور.

– سۋرەتكە دۇرىس ءتۇسىرۋدى مەڭگەرىڭىز

اڭىزعا اينالعان فرانسۋز فوتوگرافى، فوتوجۋرناليستيكا مەن فوتورەپورتاجدىڭ اكەسى انري كارتە-برەسسون: "ءسىز ەڭ العاش تۇسىرگەن 10 000 سۋرەت – ءسىزدىڭ ەڭ ناشار سۋرەتىڭىز"،- دەيدى. مۇندا ءبىر تاجىريبە ازدىق ەتەدى. سۋرەتىڭىز ادەمى، جاندى بولۋ ءۇشىن سۋرەتكە ءتۇسىرۋ جولدارىن بىلگەن پايدالى.

كامەرانى ورناتۋدى، راكۋرستى دۇرىس تاڭداۋدى جانە قاراپايىم سۋرەتكە ءتۇسىرۋ تاسىلدەرىن مەڭگەرىڭىز. فوتوگرافتارعا ارنالعان سايتتاردى باقىلاڭىز. ارنايى كۋرسقا جازىلىڭىز. ۇيدەن دە وقي الاسىز. مىسالى، Coursera، Udemy سەكىلدى وقۋ پلاتفورمالارىندا ۇنەمى فوتوگرافتارعا ارنايى كۋرستار جاريالانادى.

– سۋرەت سالىڭىز

سۋرەت سالۋ قابىلەتتەرىڭىزدى ارتتىرىپ، سترەسستەن ارىلۋعا كومەكتەسەدى. كوگنيتيۆتى قابىلەتتى ارتتىرىپ قانا قويماي، ەستە ساقتاۋدى جاقسارتادى. سۋرەت سالۋ ارقىلى ءوز ءومىرىڭدى جانداندىرا الاسىڭ.

سۋرەتتى ءبارى سالا الادى. ەگەر ءداستۇرلى كەسكىندەمە تەحنيكاسى قيىن بولسا، دۋدلينگ ءتاسىلىن ۇيرەنىڭىز. سۋرەت سالۋدى مەڭگەرۋ – بوس ۋاقىتقا تۇرارلىق ءىس.