الەۋمەتتىك جەلىدە مەشىت قۇرىلىسىندا بولعان قىزىقتى ءارى تاڭعاجايىپ وقيعانىڭ بەينەجازباسى پايدا بولدى دەپ حابارلايدى Qamshy.kz اقپارات اگەنتتىگى.
اۋەسقوي بەينەماتەريالدى تۇسىرگەن قولدانۋشىنىڭ ايتۋىنشا، ولار 63 مەتر بيىكتىكتە مەشىت كۇمبەزىن ورناتىپ جاتقان. ءبىر مەزەتتە كۇمبەزدى ۇستاپ تۇرعان ارقان ۇستىنە كوگەرشىن كەلىپ قونعان. قۇرىلىسشىلار قانشا تىرىسقاندارىمەن قۇستى ۇشىرا الماي قويدى.
ولاردىڭ ويلارىنشا، مۇندا ءبىر تىلسىم قۇدىرەت بار. سەبەبى، باسقا ۋاقىتتا قانشا ۇستاعىڭ كەلگەنمەن، وڭايلىقپەن ۇستاتپايتىن اككى قۇستىڭ الدارىنا ۇشىپ كەلىپ، كەتپەي قويۋى تەگىننەن تەگىن ەمەس.
قۇرىلىسشىلار قۇستىڭ بۇل ارەكەتىن: "اسا قۇدىرەتتى اللا مىنا كوگەرشىندى بىزگە كومەككە جىبەردى" دەپ باعالايدى بەينەجازبادا.
دايىنداعان: داۋرەن سىبانباي
