1991 جىلى  اقش  زەرتتەۋشىلەرى  نيل گوۆ پەن ۋيليام شتراۋس العاش رەت جاس ايىرماشىلىقتارىنىڭ ەرەكشەلىكتەرى تۋرالى ايتتى. ولار ادامداردىڭ  جاس ايىرماشىلىقتارىنا قاراپ، ءارتۇرلى ۋاقىتتاعى ۇرپاقتاردىڭ قۇندىلىقتارىنا نەگىزدەلگەن تەوريانى قۇردى. قازىرگى تاڭدا X، Y جانە Z ۇرپاقتارى تۋرالى ءجيى ەستيمىز دەپ جازادى Qamshy.kz اقپارات اگەنتتىگى.

جاس تەورياسىنىڭ ءۇش نەگىزگى كومپونەنتى (X، Y جانە Z ۇرپاقتارى) جانە ءبىر قوسىمشا كومپونەنت (Baby boomers) بار.

Baby boomers

بالا بۋمەرلەرىنىڭ ساناتىنا 1943 جانە 1963 جىلدار ارالىعىندا تۋىلعان ادامدار جاتادى. ادەتتە، ولار ءوزىن-وزى دامىتۋعا، ۇجىمدىق جۇمىسقا جانە كوماندالىق ويىنداردا بەلسەندى. ولار  "ءوزىن-وزى دامىتۋ - ۇجىمدىق ماقساتتارعا، جەتىستىكتەرگە جەتۋ قابىلەتىنىڭ ءوسۋى" دەپ  تۇسىنەدى. قازىرگى ۋاقىتتا  "بالا بۋمەرلەرىنىڭ" كوبى زەينەتكە شىققان، ءبىراق ءالى دە جۇمىس ىستەيتىندەرى بار. وسى ساناتتاعى ادامداردىڭ ەرەكشەلىگى - جاقسى دەنساۋلىق پەن توزىمدىلىك.

X ۇرپاقتارى

ح ۇرپاقتارى - 1963 جىلدان 1983 جىلعا دەيىن تۋعان ادامدار. ولاردىڭ ەرەكشەلىكتەرى – وزىنە عانا سەنىم ارتا الادى، بالاما ويلايدى، الەمدە بولىپ جاتقان نارسەلەر تۋرالى حاباردار بولادى، تاڭداۋ جاساۋعا  جانە ءوزىن وزگەرتۋگە دايىن ادامدار. وسى جاس ساناتىنداعى ادامداردىڭ كوبى جالعىز بولادى. ولاردىڭ  جۇمىستارى قيىن جانە  جەتىستىككە ءوزى جەتۋدى ماقسات ەتەدى. ولار ءۇزاق جىلدار بويى ءبىر سالادا قىزمەت  اتقارىپ، بىرتە-بىرتە مانساپ جولىندا بيىك دارەجەگە جەتەدى.

Y ۇرپاعى

1983 جىلدان 2003 جىلعا دەيىنگى ارالىقتا  تۋعان ادامدار Y ۇرپاعىنا جاتادى. ولاردىڭ ماقساتقا جەتۋ  مەن جەتىستىك تۋرالى تۇسىنىگى وزگەشە: كوپ جاعدايدا كاسىبي ءوسۋىن تومەنگى دەڭگەيدەن باستاۋدى ۇناتپايدى. ولار دەرەۋ ءوسۋدى ماقسات ەتەدى جانە بۇل ولاردىڭ ءبىر كەمشىلىگى. دەگەنمەن بۇل جەتىسپەۋشىلىكتى اقتاپ الۋعا بولادى.  بۇل ساناتتاعى ادامدار بىردەن بىرنەشە سالا بويىنشا جۇمىس اتقارىپ، بارىنشا كوپ اقپارات بىلۋگە جانە كاسىبيلىككە ۇمتىلادى. ولار ءۇشىن تەك ءبىر سالادا قىزمەت ىستەۋ مۇمكىن ەمەس. Y ۇرپاعى - قازىرگى زامانعى بيزنەستىڭ ءۇمىتى. ولار تەحنيكالىق جاعىنان ەڭ ساۋاتتى جانە جۇمىس ۋاقىتىنان تىس ۋاقىتتا دا جۇمىس ىستەۋگە دەگەن ۇمتىلىسىمەن،  بىلىمگە دەگەن ىنتاسىمەن ەرەكشەلەندى.

كەيبىر ساراپشىلاردىڭ، مىسالى، كوممەرسيالىق ەمەس ارىپتەستىكتىڭ ەڭبەك نارىعىنىڭ اتقارۋشى ديرەكتورى ميحايل سەمكين جانە «مدم بانك» ااق-نىڭ كادر جونىندەگى مامانى ولگا پاۆلوۆانىڭ ايتۋىنشا، كەلەسى ونجىلدىقتا Y ۇرپاعى نەگىزگى جۇمىس كۇشىنە اينالادى.

Z  ۇرپاعى

2003 جىلدان كەيىن تۋىلعاندار Z ۇرپاعىنا جاتادى. بۇل ادامداردىڭ ەسەيگەندە قانداي تۇلعا بولاتىنىن كاسىبيلىك تۇرعىسىنان باعالاۋعا ءالى ەرتە. الايدا ولاردى ناعىز "سيفرلى بالالار" دەپ اتاۋعا بولادى.