اتىراۋ وبلىسىنىڭ اكىمى نۇرلان نوعايەۆ قۇقىق قورعاۋ ورگاندارىن سيفرلاندىرۋ ماسەلەلەرى بويىنشا ۆەدومستۆوارالىق كوميسسيا وتىرىسىن وتكىزدى.
وبلىس پروكۋرورىنىڭ ورىنباسارى باۋىرجان جۇماقانوۆتىڭ ايتۋىنشا، سيفرلاندىرۋ، قىلمىستىق ىستەردى ەلەكتروندى تۇردە تىركەۋ جۇمىستارى ءالى دە جەتىلدىرۋدى قاجەت ەتەدى.
2017 جىلى وبلىستىق بيۋدجەتتەن پوليسيا دەپارتامەنتىن، بولىمشەلەردى قاجەت تەحنيكامەن جابدىقتاۋعا 406 ملن تەڭگە بولىنگەن. 262 كومپيۋتەر ساتىپ الىندى.
- تىركەلگەن ىستەردىڭ 27،3% عانا ەلەكتروندى تۇردە جۇرگىزىلەدى. بۇل تومەن كورسەتكىش، - دەپ اتاپ ءوتتى باۋىرجان جۇماقانوۆ.
ەلەكتروندى تۇردە تىركەلىپ، كەيىن قاعاز ۇلگىگە اۋىستىرىلاتىن دەرەكتەر دە بار. بۇل كوبىنە اشىلماعان قىلمىستارعا قاتىستى.
اتىراۋ وبلىسىنىڭ پروكۋرورى حاليدوللا داۋەشوۆتىڭ ايتۋىنشا، ەلەكتروندى ۇلگىگە اۋىستىرىلعان قىلمىستىق ىستەردىڭ كورسەتكىشى تومەن.
-اقتوبە، اتىراۋ، اقمولا وبلىستارىندا ەلەكتروندى جۇيەدەگى ىستەر قاتارى از. اقمولا وبلىسىندا تەحنيكامەن قامتىلۋ
3%، اقتوبەدە - 30% بولسا، بىزدە- 75%. بارلىق قاجەتتى تەحنيكامەن قامتىلعانسىزدار، ءبارى جاڭا، ءبىراق دۇرىس پايدالانىلمايدى. سەبەبى نەدە؟ بيۋدجەتتەن 406 ملن تەڭگە بولىنگەن، بىردە ءبىر وبلىستا مۇنداي قاراجات قارالمايدى، بۇل اكىمدىك تاراپىنان ۇلكەن قولداۋ، الايدا، كورىپ وتىرعانىمىزداي پوليسيالار مۇمكىندىكتى پايدالانبايدى، - دەدى وبلىس پروكۋرورى.
- بۇل پوليسيا دەپارتامەنتىنە عانا ايتىلعان سىن ەمەس، اتقارۋشى ورگاندارعا دا قاتىستى. بۇگىن پروكۋراتۋرا پوليسيانى سىنايدى، ميلليونداعان قارجىنى الىپ وتىرىپ، مۇمكىندىكتى پايدالانبادى دەپ. ەرتەڭ ەسەپ كوميسسياسى ەگەر جۇمىس جۇرمەسە، نەگە وسىنشا قاراجات بولەتىنىمىزدى سۇراۋى مۇمكىن. بۇل قارجىنى نەگە مىسالى باسقا الەۋمەتتىك نىساندارعا بولمەيمىز؟ سوندا نە دەپ جاۋاپ بەرەمىز؟ بۇل سۇراق بارىمىزگە قاتىستى،-دەدى نۇرلان نوعايەۆ.
بۇل رەتتە جاعدايدىڭ ناقتى سەبەبىن انىقتاۋ ماڭىزدى. پىكىرتالاستا وتىرىسقا قاتىسۋشىلار پوليسيانىڭ وسى باعىتتاعى جۇمىسىنىڭ كوڭىلدەن شىقپاۋىنا كادر جوقتىعى باستى سەبەپ دەگەن قورتىندىعا كەلدى.
جيىندا، سونداي-اق، جەرگىلىكتى پوليسيا باسشىسى الىبەك قايىروۆتىڭ بايانداماسى تىڭدالدى. قىلمىستىڭ كوبەيگەنى تۋرالى دەرەكتەر بولعانمەن، جالپى جاعداي تۇراقتى. وبلىس اكىمى اتقارۋشى بيلىك قۇقىق قورعاۋ ورگاندارى دۇرىس جۇمىس ىستەۋ ءۇشىن بارلىق قاجەت جاعدايدى جاساپ وتىرعانىن اتاپ ءوتتى.
-جەرگىلىكتى تۇرعىندار پروبلەما بولا قالسا، الدىمەن ۋچاسكەلىك پوليسياعا جانە اكىمدىك وكىلدەرىنە حابارلاسادى. ءبىز ۋچاسكەلىك پوليسيا قىزمەتكەرلەرىن تۇرعىن ۇيمەن قامتىپ وتىرمىز، ۋچاسكەلىك پوليسيا بولىمشەلەرى سالىنۋدا. بۇل ءوز كەزەگىندە قىلمىس سانىن ازايتۋعا مۇمكىندىك بەرەدى. فوتو، بەينە تىركەۋ جوباسىن جۇزەگە اسىرۋدامىز. جىل سوڭىنا دەيىن بەينەباقىلاۋ كامەرالارىنىڭ سانىن 1،5 مىڭ بىرلىككە جەتكىزەمىز. سىزدەردىڭ تاراپتارىڭىزدان دا جۇمىس پەن ناتيجە كەرەك،-دەپ اتاپ ءوتتى نۇرلان نوعايەۆ.
وبلىس اكىمى وتباسىلاردى تالقانداپ، ادامداردى بانكروتتىققا دەيىن اكەلىپ جاتقان بۋكمەكەرلىك كەڭسەلەردىڭ جۇمىسىنا پوليسيانىڭ نازارىن اۋداردى.
-بۋكمەكەرلىك كەڭسەلەردىڭ جۇمىسىنا قاتىستى شاعىمدار كوپ. ادامدار ءبىر كۇندە بار جيعان-تەرگەن اقشالارىن شاشىپ كەتەدى. ولار زاڭدى جۇمىس ىستەيدى دەيدى، ءبىراق زاڭسىز كازينولار مەن وسىنداي ورىنداردىڭ بارى راس. بىرىككەن رەيد جۇرگىزىپ، زاڭسىز ارەكەتتەردى انىقتاۋ قاجەت. مۇنىڭ ءبارى تۇپتەپ كەلگەندە قوعامدىق قاۋىپسىزدىككە اسەر ەتەدى. بۇل كاسىپكەرلىك قىزمەت، جۇمىستارىنا ارالاسۋعا نيەتتى ەمەسپىز، ءبىراق ولار دا قۇقىقتىق الاڭ شەڭبەرىندە جۇمىس ىستەۋلەرى ءتيىس، - دەپ اتاپ ءوتتى ن. نوعايەۆ.