–بيلىك مەشىتتەرگە راحمەت ايتسىن: قازاقتىڭ تالاي جاستارىن ميتينگكە شىعارماي وتىرعان – سولار، - دەيدى facebook-تەگى بەلسەندى جۋرناليست جولىمبەت ماكىش دەپ حابارلايدى Qamshy.kz اقپارات اگەنتتىگى zakon.kz سايتىنا سىلتەمە جاساپ.

"جاستاردىڭ جاپپاي مەشىت جاعالاپ كەتىپ جاتقانى دۇرىس ەمەس. بۇل وتە ءقاۋىپتى قۇبىلىس. دۇمشەلەنۋدىڭ باسى. ەشبىر ادام مەشىتكە يمانى تاسىعان سوڭ بارمايدى. ولار مەشىتكە تۇرمىسىن وڭالتۋ ءۇشىن بارادى. ەگەر بيلىكتەگىلەر سولاردىڭ اللادان سۇراعانىن تاۋىپ بەرە السا، مەشىتكە باراتىن ادام تاپپاي قالاتىن ەدىڭ"، دەگەن سىڭايدا پوست جازعان "ءبىر اعاسىنا" جاۋاپ بەرگەن جولىمبەت ماكىش مەشىت جاعالاعان ادامنىڭ جامان بولمايتىنىن ايتىپ تاستاپتى.

قايتا ادامداردىڭ مەشىتكە بارىپ جاتقانىنا بيلىك تە، يمامدار دا قۋانۋى كەرەك،- دەيدى جۋرناليست. 

"اعا، ءقازىر زامان باسقا عوي. قوعامدا ءدىني رەنەسسانس باستالدى. جۇرت جوعالتقانىن ىزدەپ جاتىر. مەشىتكە كوبى تۇرمىسىن تۇزەۋ ءۇشىن ەمەس، يمانىن تۇگەندەپ، دىنگە بەت بۇرعاننان كەيىن بارا باستادى. وعان دۇمشەلەنۋدىڭ باسى دەپ باعا بەرگەن دۇرىس ەمەس شىعار. قوعامداعى ارسىزدىقتان، دىنسىزدىكتەن جالىعىپ، مەشىتكە قۇدايدى ىزدەپ، جانىنا تىنىشتىق ىزدەپ كەلىپ جاتقاندار دا كوپ. سوسىن، ادامداردىڭ مەشىتكە بارىپ جاتقانىنا بيلىك تە، يمامدار دا قۋانۋى كەرەك سياقتى قايتا. بۇلاردا دا ىشكى پروتەست بار. ادام ساجدەگە بوستان-بوسقا جىعىلا سالمايدى عوي. ءبىراق بۇلار ەندى قايتىپ ەشقاشان بيلىككە قارسى شىقپايدى. ەگەر قوعامداعى پروتەستىك كۇشتەردىڭ ءبىر بولىگى ءدال ءوستىپ مەشىت جاعالاپ كەتپەسە، ولار ءقازىر كوشەدە ميتينگ جاساپ شۋلاتىپ جۇرەتىن ەدى. ءبىر جاقتى باعا بەرمەي، بۇل ماسەلەگە ءارتۇرلى راكۋرستان قاراعان دا دۇرىس قوي. مەشىت جاعالاعان ادامنىڭ جامان بولعانىن كورگەن جوقپىن، وسى ۋاقىتقا دەيىن"، – دەلىنەدى ءجۋرناليستىڭ جازباسىندا.