قىزىلورداداعى جانارماي قۇيۋ بەكەتىنىڭ اۋماعىندا گاز-اۋا قوسپاسى جارىلدى دەپ حابارلايدى Qamshy.kz اقپارات اگەنتتىگى. بۇل تۋرالى بريفينگ بارىسىندا تج جونىندەگى كوميتەت ءتوراعاسى ۆلاديمير بەككەر مالىمدەدى.

""قىزىلوردا-گاز" ءجشس-ىنىڭ اۆتوگاز قۇيۋ بەكەتىنىڭ اۋماعىندا اۆتوبۋسقا گاز قۇيۋ كەزىندە گاز جارىلىسى بولدى. ءورت تاراپ كەتكەن جوق. ءبىراق 2004 جىلى تۋىلعان امان ۇلى قولى مەن بەتىنىڭ كۇيىگىمەن اۋرۋحاناعا جەتكىزىلدى. ول گاز قۇيۋ بەكەتىنىڭ كليەنتى، گاز باللونىن تولتىرۋ ءۇشىن كەزەگىن كۇتىپ تۇرعان"، - دەدى بەككەر.

كوميتەت ءتوراعاسىنىڭ ايتۋىنشا، اۆتوگاز قۇيۋ بەكەتتەرىندە تۇرمىستىق گاز باللونداردى تولتىرۋعا تىيىم سالىنادى.

"تۇرمىستىق گاز باللوندارىن اۆتوگاز قۇياتىن بەكەتتەردە تولتىرۋعا تىيىم سالىنعان. اتالعان گاز بەكەتىندە پايدالانۋ ەرەجەلەرى ءجيى بۇزىلعان بولۋى مۇمكىن، سونىڭ سالدارىنان وسىنداي وقيعا ورىن الىپ وتىر. ءقازىر اۆتوكولىكتە گاز قولدانۋ كەڭىنەن تارالىپ كەلەدى، سوعان بايلانىستى ستاسيونارلىق ستانسيالار ورناتۋ بويىنشا، گازبەن جۇرەتىن كولىكتەردىڭ جابدىقتالۋى بويىنشا دا تۇيتكىلدەر بار،" - دەدى ۆلاديمير بەككەر.