ءقازىر ەسترادا انشىلەرىنىڭ كوپشىلىگى ساحنادا بەت-بەينە قالىپتاستىرىپ، بەدەل جيناپ، تويدان تابىس تابۋعا داعدىلانىپ العان. اسابا بولىپ، توي باسقارىپ جۇرگەندەردىڭ دە قاتارى سيرەك ەمەس. 

كامشات جولدىبايەۆانىڭ توي باسقاراتىنىن بىلگەن جەلى قولدانۋشىلارى ءوز تاڭدانىستارىن جاسىرمادى. ءتىپتى، ونىڭ ساحناداعى ارىپتەس-زامانداستارى دا بۇل جاڭالىققا باس شايقاپ، پىكىر بىلدىرۋدە. 

"كامشاتتىڭ تويدا جۇرگىزۋشى قىزمەتىن كورسەتەتىنىن بىلمەپپىن، ەستىمەدىم دە. ول جاقسى جۇرگىزۋشى بولۋى مۇمكىن، ءبىراق اسابا بولا المايدى. جالپى، ايەل ادامدار ەر جىگىتتەر سەكىلدى جاقسى تامادا بولادى دەپ ويلامايمىن"، - دەيدى ماقسات بازاربايەۆ. 

بەلگىسىز دەرەككوزدەردەگى اقپاراتقا سەنسەك، كامشاتتىڭ تويداعى تابىسى ورتا ەسەپپەن 1،2 ميلليون تەڭگەنى قۇرايدى. ال كامشاتپەن جاقىن سىيلاساتىن قۇربى-قۇرداستارى ونىڭ توي جۇرگىزەتىنىنە كۇمان كەلتىرمەيدى.