شىمكەنتتىك "زامانا" گازەتىنىڭ اۆتورلارىنىڭ ءبىرى قازاقستاننىڭ جاڭادان سايلاناتىن پرەزيدەنتىنە انت قابىلداۋ راسىمىندە قۇرانعا قولىن قويىپ تۇرۋدى ۇسىندى دەپ حابارلايدى Qamshy.kz اقپارات اگەنتتىگى Total.kz سايتىنا سىلتەمە جاساپ. 

"انت قابىلداۋ راسىمىندە كونستيتۋسيامىزبەن بىرگە قۇران تۇرسا، حالىقتان ۇيالماعانىمەن قۇدايدان قورقاتىن شىعار. ءوزىن مۇسىلمان سانايتىن ازامات بەلىنە كوتەرە المايتىن شوقپاردى بايلامايدى، جاساي المايتىن ىسىنە ۋادە بەرمەيدى. ال ەگەر ۋادە بەرسەڭ، ورىنداۋىڭ شارت"، - دەلىنگەن جازبادا. 

اۆتوردىڭ ايتۋىنشا، ۋكراينانىڭ جاڭادان سايلانعان پرەزيدەنتى ۆلاديمير زەلەنسكييدى ۇلىقتاۋ راسىمىندە كونستيتۋسيامەن قاتار ءىنجىل تۇرعان. بۇل دۇنيە ءبىراز ادامنىڭ ويىنا وزگەرىس اكەلدى. 

–ءبىزدىڭ حالىقتىڭ باسىم كوپشىلىگى - مۇسىلماندار. ونىڭ ۇستىنە سايلاۋ ناۋقانى رامازان ايىنا تۋرا كەلدى. قاسيەتتى ايدا قاسيەتتى كىتاپتىڭ انت بەرۋ راسىمىندە بولۋى - ادىلدىكتى، ادالدىقتى، اشىقتىقتى كۇشەيتە تۇسەتىن دۇنيە، - دەپ ءتۇيدى ءسوزىن اۆتور. 

ول دەپۋتاتتاردىڭ ايتقان ءسوزىن كەلەسى كۇنى ۇمىتىپ قالاتىنىن ايتىپ، كۇيىنىش ءبىلدىردى.