ۇستىمىزدەگى جىلدىڭ مامىر ايىندا قازاقستاندىق مۇنايدىڭ باعاسى 0،6 پايىزعا قىمباتتادى. بۇل كورسەتكىش – ءساۋىر ايىنداعى باعامەن سالىستىرا العانداعى كورسەتكىش. ءقازىر ءبىر توننا مۇناي باعاسى 61،5 مىڭ تەڭگەنى قۇرايدى.

ال جىل باسىنان بەرگى ۋاقىتتاعى "قارا التىن" باعاسىن باعامداساق، وندا مۇناي شيكىزاتىنىڭ باعاسى 6،7 پايىزعا ارزانداعانىن بايقايمىز.

ستاتيستيكالىق كوميتەتتىڭ مالىمەتى بويىنشا، مامىر ايىندا قىزىلوردا وبلىسى ايماعىنان وندىرىلەتىن مۇناي باعاسى سالىستىرمالى تۇردە "ەڭ قىمبات" دەپ سانالعان. ءبىر تونناسى 83،9 مىڭ تەڭگەگە باعالانسا دا، جىل باسىنان بەرى نارىقتاعى باعا كورسەتكىشى 2،3 پايىزعا تومەندەگەن.

اقتوبەدەن وندىرىلەتىن مۇناي باعاسى جىل باسىنان بەرى 1،3 پايىزعا (75،6 مىڭ تەڭگەگە دەيىن)، ماڭعىستاۋ ايماعىنداعى مۇناي باعاسى 4،8 پايىزعا (54،7 مىڭ تەڭگە)، ال اتىراۋ مۇنايىنىڭ تونناسى 9،7 پايىزعا (59،6 مىڭ تەڭگەگە دەيىن) ارزانداعان.

جوعارىداعى باعالارعا سايكەس، مامىر ايىندا ەلىمىزدەگى جانارماي باعاسى ورتا ەسەپپەن تونناسى 129،4 مىڭ تەڭگە بولدى. اي كولەمىندە سۇيىق وتىن باعاسى 0،6 پايىزعا، 2،8 مىڭ تەڭگەگە ارزانداپ وتىر. ال بەس اي كولەمىندەگى كورسەتكىشتەردى باعامداساق، جانار-جاعارماي باعاسىنىڭ 12،1 پايىزعا دەيىن ارزانداعانى بايقالادى.

سونىمەن قاتار، ديزەل قۇنى بەس اي ىشىندە 0،7 پايىزعا (172،7 مىڭ تەڭگە) قىمباتتاعان. ال مازۋت باعاسى 1،6 پايىزعا ارزانداپ، تونناسىنىڭ قۇنى 71،9 مىڭ تەڭگەگە دەيىن جەتكەن.