الماتى قالاسى مەن الماتى وبلىسىنىڭ تۇرعىندارىنان تۇراتىن قىلمىستىق توپتىڭ زاڭسىز ارەكەتىنىڭ جولىن كەستى،  دەپ حابارلايدى Qamshy.kz اقپارات اگەنتتىگى ۇقك باسپا ءسوز قىزمەتى.

ولار ۇزاق ۋاقىت بويى كريمينالدى اتىس قارۋىن، وق-دارىلەر مەن جارىلعىش زاتتاردى ساتۋمەن اينالىسقان.

2019 جىلعى 5 ماۋسىمدا ۇقك «ا» ارناۋلى ماقساتتاعى قىزمەتىن تارتۋمەن ءىرى اۋقىمدى ارنايى وپەراسيا جۇرگىزىلدى، ونىڭ بارىسىندا وسى قىلمىستىق توپتىڭ 6 قاتىسۋشىسى ۇستالدى. 

ءتىنتۋ جۇرگىزۋ كەزىندە 3 گراناتااتقىش، 2 «كالاشنيكوۆ»   اۆتوماتى، 5 پيستولەت، 3 باسەڭدەتكىش، وپتيكالىق كوزدەۋىش، سونداي-اق ءارتۇرلى كاليبرداعى 1400 بىرلىك پاترون تابىلىپ، الىندى. 

فيگۋرانتتاردىڭ ءبىرىنىڭ تۇرعىلىقتى جەرى بويىنشا قارۋدى جيناۋ جانە قايتا جاساۋ ءۇشىن ارنالعان جاسىرىن شەبەرحانا، سونداي-اق كوپ مولشەردە ءارتۇرلى قۇرامداس بولىكتەر (ۇڭعىلار، وقجاتارلار، تۇتقالار، بەكىتۋ تەتىكتەرى مەن باسقالارى) تابىلدى. ودان باسقا، قولدان جاسالاتىن جارىلعىش قۇرىلعىلاردى جاساۋ ءۇشىن كومپونەنتتەر (سەليترا، جارىلعىش ءدارى جانە  باسقالارى) الىندى.  

سوتقا دەيىنگى تەرگەۋ جۇرگىزىلۋدە، ونىڭ شەڭبەرىندە تەرگەۋ وسى توپتىڭ ارەكەتىنە قاتىسى بار بارلىق ادامداردى، ونىڭ ىشىندە كريمينالدى قارۋدى ساتىپ الۋشىلاردى انىقتايدى. 

ۇسىنعان: يلدار اديلچەنوۆ