التىن ءىسى بويىنشا بۇكىلالەمدىك كەڭەستىڭ (WGC) مالىمەتىنە سۇيەنسەك، قۇندى مەتاللدىڭ 1-ماۋسىمداعى كولەمى 366،6 توننانى قۇراعان. 1-مامىر كۇنى بۇل كورسەتكىشتىڭ كولەمى 361،7 توننا بولعان. دەمەك، ءبىر اي ىشىندە ەلىمىزدىڭ التىن قورى 5 تونناعا تولىققان. 

ءدال ءقازىر قازاقستان التىن قورى بويىنشا الەمدە 14-ورىندا تۇر. العاشقى ۇشتىكتى اقش، يتاليا جانە گەرمانيا تۇيىندەپ تۇر.

اقش-تىڭ جالپى التىن قورىنداعى قۇندى مەتالل كولەمى – 8،1 مىڭ توننانى، گەرمانيادا 3،3 مىڭ توننانى، يتاليادا 2،4 مىڭ توننانى قۇرايدى. ال رەسەي بۇل تىزىمدە 2،2 مىڭ توننا التىنىمەن 5-ورىنعا ىعىسقان. قىتايدىڭ قورجىنىنداعى 1،9 مىڭ توننا التىن التىنشى ورىندى ەنشىلەپتى.

بيىل شەتەلدىك كومپانيالار قازاقستاننان التىن ىزدەۋ ءۇشىن 2 ميلليارد تەڭگەدەن استام ينۆەستيسيا سالۋدى جوسپارلاپ وتىر. قازاقستاننىڭ التىن رەزەرۆى 2015 جىلدىڭ 1-مامىرىنداعى كورسەتكىشپەن سالىستىرعاندا 1،6 ملرد دوللارعا ازايعان.