عالىمدار قاتەرلى ىسىككە شالدىقپاۋ ءۇشىن قولدانىلاتىن ۆاكسينا ويلاپ تاپتى. تاجىريبە 11 ادامعا جۇرگىزىلگەن. ناتيجەسى اتالعان ۆاكسينانىڭ وبىردىڭ قاتەرىن تومەندەتۋگە كومەكتەسە الاتىنىن كورسەتتى دەپ جازادى Qamshy.kz اقپارات اگەنتتىگى.

عالىمداردىڭ ايتۋىنشا، بۇل ۆاكسينا قاتەرلى ىسىكتى تولىق جوق قىلۋعا قاۋقارسىز. ءبىراق ونىڭ سالدارىمەن كۇرەسۋگە، الدىن الۋعا الەۋەتى جەتەدى-مىس.

ەمدەلۋ بارىسىندا اتالعان ۆاكسينا قۇرامىنداعى دارىلىك زاتتار ىسىك اۋماعىنا ەنىپ، وبىردىڭ ماڭايىنان يممۋندىق تالشىقتاردىڭ سانىن ارتتىرادى. ال يمۋندىق تالشىقتار كۇش العان سايىن قاتەرلى ىسىكتىڭ بەتى قايتا باستايدى ەكەن.

عالىمدار بۇل تەراپيانى ءسۇت بەزىندەگى، مويىنداعى جانە باستاعى قاتەرلى ىسىكتەردى جويۋ ءۇشىن قولدانۋ قاجەتتىگىن ايتادى. ويتكەنى، بۇل ۆاكسينانىڭ تاجىريبە كەزىندە كورسەتكەن ناتيجەسى اۋقىمدى.