وبلىستىق ءماسليحات وتىرىسىنىڭ كەزەكتى ماجىلىسىندە جول جۇمىستارى تۋرالى اقپارات، بيۋدجەتتىڭ ورىندالۋى مەن اسكەرگە شاقىرتۋ ماسەلەسى تىڭدالدى.
وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى اسەت ورازعالييەۆ، دەپۋتاتتارعا «نۇرلى جول» مەملەكەتتىك باعدارلاماسى بويىنشا اتقارىلعان جۇمىستار تۋرالى مالىمدەدى.
- «اكتوبە-اتىراۋ-استراحان» تاس جولىن قايتا جاڭارتۋ جۇمىستارى جۇرگىزىلۋدە. 128 شاقىرىم اۆتوكولىك تاس جولىن جاڭارتۋ جۇمىستارى ءۇشىن كەلىسىمشارتقا قول قويىلدى. بۇگىنگى تاڭدا 330-370 شاقىرىم ارالىعىنداعى جولدىڭ جوعارى قاباتىن الىپ تاستاۋ، سونداي-اق، اينالما جول قۇرىلىسىنىڭ جۇمىستارى جۇرگىزىلۋدە. جۇمىسقا 212 ادام، 133 قۇرىلىس تەحنيكاسى جۇمىلدىرىلدى، - دەيدى اسەت ورازعالييەۆ.
418-458 شاقىرىم ارالىعىنداعى جوندەۋ جۇمىسىنا 66 جول تەحنيكالارى مەن 133 مامان تارتىلدى. سونداي-اق، ماقات-دوسسور اۆتوكولىك جولىنىڭ 17 شاقىرىمىن جوندەۋ جۇمىستارى جۇرگىزىلىپ جاتىر.
وبلىستىڭ بەكىتىلگەن بيۋدجەتى اعىمداعى جىلى 379 ملرد تەڭگەنى قۇرادى. وتىرىس بارىسىندا دەپۋتاتتار ايماقتاعى ءبىلىم بەرۋ، دەنساۋلىق ساقتاۋ، مادەنيەت جانە قۇرىلىس سالاسىنداعى ماڭىزدى جوبالاردى جۇزەگە اسىرۋ ءۇشىن قوسىمشا قاراجاتتى بەكىتتى.
قارجى باسقارماسىنىڭ باسشىسى دەپۋتاتتارعا 2018 جىلعا ارنالعان بيۋدجەتتىڭ ورىندالۋى تۋرالى مالىمدەدى. سونىمەن قاتار، قورعانىس ىستەرى جونىندەگى دەپارتامەنت باسشىلىعى اسكەرگە شاقىرتۋ ماسەلەلەرى تۋرالى باياندادى.
- الەۋمەتتىك جوبالاردى، جول قۇرىلىسىن، كوممۋنالدىق قىزمەتتەردى قارجىلاندىرۋ وڭ ناتيجەسىن بەرىپ كەلەدى. بۇل اتقارۋشى بيلىكتىڭ بارلىق باسشىلارىنىڭ، دەپۋتاتتاردىڭ، قوعامدىق ۇيىمداردىڭ بىرلەسكەن جۇمىسىنىڭ ناتيجەسى، - دەيدى نۇرلان نوعايەۆ.
– بۇل جۇمىستار بيىلدا جالعاسىن تاباتىن بولادى. بولىنگەن قاراجات وبلىستىڭ تىرشىلىگىن قامتاماسىز ەتۋ ءۇشىن كوپتەگەن ماسەلەلەرىن شەشۋگە، حالىقتىڭ ءال-اۋقاتىن ارتتىرۋعا، اۋىز سۋمەن قامتاماسىز ەتۋگە، تۇرعىن ءۇي قۇرىلىسىنا جانە باسقا دا ءبىرقاتار الەۋمەتتىك نىسانداردىڭ قۇرىلىسىنا، از قامتىلعان وتباسىلارعا قولداۋ كورسەتۋگە مۇمكىندىك بەرەدى.
ايماق باسشىسى مەملەكەت تاراپىنان بولىنگەن قاراجاتتىڭ وڭىردەگى ەكونوميكانى دامىتۋ ءۇشىن جۇمسالاتىنىن اتاپ ءوتتى. بۇل سونداي-اق، مەملەكەتتىك اۋقىمدى جوبالاردى ىسكە اسىرۋعا، سونىڭ ىشىندە «اتىراۋ-استراحان» تاس جولىن قالپىنا كەلتىرۋ جۇمىستارى بولىپ تابىلادى.
جيىن وتىرىسىندا ماتەريالدىق-تەحنيكالىق جابدىقتالعان اسكەرگە شاقىرتۋ پۋنكتەرىنىڭ ماسەلەسى قارالدى. وبلىس اكىمىنىڭ ايتۋىنشا، ماحامبەت اۋدانىندا اسكەرگە شاقىرتۋ ءۇشىن اسكەري كوميسساريات عيماراتىن سالۋ ءۇشىن قاراجات بولىنگەن.
سەسسيا وتىرىسىندا سونداي-اق، تەكسەرۋ كوميسسياسىنىڭ جاڭا قۇرامى بەكىتىلىپ، ەكى دەپۋتاتتىڭ مانداتىنا داۋىس بەرىلدى.