قىزىلوردا وبلىسى جاڭاقورعان اۋدانى كەلىنتوبە اۋىلىنىڭ تۇرعىنى، اۋداندىق ءماسليحاتتىڭ دەپۋتاتى تۇردالى قالدىبايەۆ Qamshy.kz اقپارات اگەنتتىگىنىڭ تىلشىسىنە اۋدان اكىمى "عالىم امىرەيەۆتىڭ جۇرگىزىپ وتىرعان ساياساتىنا اۋدان تۇرعىندارىنىڭ باسىم بولىگى قارسى" ەكەنىن ايتتى. دەپۋتاتتىڭ ايتۋىنشا، وعان سەبەپ - عالىم امىرەيەۆ جاڭاقورعانعا اكىم بولىپ كەلگەن ساتتەن باستاپ اۋدان اۋماعىندا "سىبايلاس جەمقورلىق ارەكەتتەرى كوبەيىپ، اكىمدىك قىزمەتكەرلەرى لاۋازىمىنان نەگىزسىز بوساپ جاتىر".
داۋدىڭ باسى
قازاقستان رەسپۋبليكاسىنىڭ
پرەزيدەنتى ق. ك. توقايەۆقا
قازاقستان رەسپۋبليكاسى جوعارعى
سوتىنىڭ ءتوراعاسى ج. ق. اسانوۆقا
قازاقستان رەسپۋبليكاسىنىڭ
باس پروكۋرورى ع. د. نۇرداۋلەتوۆكە
قازاقستان رەسپۋبليكاسى
سىبايلاس جەمقورلىققا قارسى
ءىس-قيمىل اگەنتتىگىنىڭ ءتوراعاسى
ا. ج. شپەكبايەۆقا
قىزىلوردا وبلىسى، جاڭاقورعان اۋدانىنىڭ سەكسەن بەس مىڭ
حالقىنىڭ اتىنان ءبىر توپ تۇرعىندار اۋدان اكىمى عالىم ماحمۋتباي ۇلى
امىرەيەۆتىڭ قاتىسىمەن اۋدانىمىزدا بولىپ جاتىرعان زاڭسىزدىقتار مەن
سىبايلاس جەمقورلىق قىلمىستارعا نازار اۋدارۋلارىڭىزدى تالاپ ەتەمىز.
ع. امىرەيەۆ اۋدانعا اكىم بولىپ كەلگەلى ەلدىڭ ءىشى نىلدەي بۇزىلدى.
اۋدان اكىمى ەلگە قىزىلوردادا وزىمەن بىرگە جۇمىس جاساعان كوماندالاس
جىگىتتەرىن الا كەلدى. اتاپ ايتقاندا ءابۋناسىر بەكىشيەۆتى اۋدان ورتالىعى
جاڭاقورعان كەنتىنە اكىم، دۇيسەكەيەۆ جاسۇلاندى اۋدان اكىمى اپپاراتىنىڭ
كادر ماسەلەلەرى جونىندەگى باس ينسپەكتور، قيزاتوۆ باقىتتى «جاڭاقورعانبىرلەستىك» قوعامدىق قورىنا جەتەكشىلىككە قويادى.
كوپ ۇزاماي بارلىق مەكەمە باسشىلارى مەن اۋىل اكىمدەرىن
كەزەكتىلىككە قويىپ، «اۋدان اكىمىنىڭ تاپسىرماسى»، «وبلىس اكىمدىگىنىڭ
تاپسىرماسى» دەگەن جەلەۋلەرمەن جىلىنا 2-3 رەتتەن قوماقتى الىم جيناپ
وتىرۋدى جۇيەلى تۇردە ورناتادى.
اۋدان اكىمدىگىندە قىزمەت ىستەيتىن مەملەكەتتىك قىزمەتشىلەردى جىكجىككە ءبولىپ تاستاپ، قارسى كەلگەندەرىن قۋدالاپ، زاڭسىز جۇمىستان
بوساتقان.
وزىنە ادال، جەكە باسىنا بەرىلگەندىك قاسيەتى بويىنشا
باعالانعانداردى قامقورشىلىعىنا الىپ، كەمشىلىگىن كەشىرىپ، قىزمەتىن
جوعارىلاتىپ، كەيبىرىنىڭ اعايىنىن اۋداننىڭ قۇرمەتتى ازاماتتىعىنا
ۇسىنادى.
اتاپ ايتقاندا ىشكى ساياسات ءبولىمىنىڭ باستىعى ءابىلعازى تولەگەنوۆتى
اۋىل اكىمدەرىنىڭ سايلاۋ ناتيجەسىن بۇرمالاپ ۇستىنەن قىلمىستىق ءىس
قوزعالسا دا، وزىنە ادالدىعىن باعالاپ وسى تاڭعا دەيىن قىزمەتىنەن
بوساتپاي، قايتا اۋدان اكىمىنىڭ ورىنباسارى قىزمەتىنە تاعايىنداۋعا
جانتالاسۋدا. قورعانى مىقتى تولەگەنوۆ زاڭسىز ارەكەتتەرىن الىدە
جالعاستىرۋدا
بۇرىنعى قارجى ءبولىمىنىڭ باستىعى سالىبەكوۆ ادايدى ەرتىپ كەلگەن
كومەكشىسى ج. دۇيسەكەيەۆتىڭ ايەلىنە جۇمىس ىستەمەسە دە بىرنەشە اي زاڭسىز
ەڭبەكاقى تولەپ وتىرعانى ءۇشىن اۋدان اكىمىنىڭ ورىنباسارى ەتىپ
تاعايىندايدى.
تاعى ءبىرى اۋداندىق جۇمىسپەن قامتۋ ءبولىمىنىڭ باستىعى احمەتوۆ
ءحاليتتى جاعىمپازدىعى ءۇشىن، جۇمىستاعى كەمشىلىكتەرىنە كوز جۇما قاراپ،
ەلگە ارىزقوي «وبكوم» اتىمەن تانىلعان اعاسى احمەتوۆ ابدراحماندى
قۇيتىرقى ارەكەتتەرمەن قۇرمەتتى ازاماتتىققا وتكىزەدى.
قازىرگى تاڭدا امىرەيەۆتىڭ قىزىلوردادان كەلگەن كوماندالاسى
جاڭاقورعان كەنتىنىڭ اكىمى ا.بەكىشيەۆكە قىلمىستىق كودەكس (189-باپ. سەنiپ
تاپسىرىلعان بوتەن ءمۇلiكتi يەمدەنiپ الۋ نەمەسە تالان-تاراجعا سالۋ)
بويىنشا سوت پروسەسى باستالدى.
پارا الۋمەن ۇستالعان دۇيسەكەيەۆ جاسۇلاننىڭ ءىسى اۋداندىق سوتقا
قىلمىستىق كودەكستىڭ 190 بابىنا ياعني قىزمەت بابىن پايدالانىپ جاسالعان
الاياقتىققا اۋىستىرىلىپ، سوتتىڭ العاشقى وتىرىسى ءوتتى.
اكىمگە ادال بەرىلگەن احمەتوۆ حاليت قىلمىستىق كودەكستىڭ 366 بابى
بويىنشا (پارا الۋ) ءىرى كولەمدە پارا العانى ءۇشىن كۇدىكتى دەپ تانىلىپ،
تەرگەۋ جۇرگىزىلۋدە.
ال، تاعى ءبىر شتاتتان تىس قىزىلوردادان ەرىپ كەلگەن كومەكشىسى قيزاتوۆ
باقىت «جاڭاقورعان-بىرلەستىك» قوعامدىق قورىنىڭ بىلىقتارىنا
بايلانىستى تەكسەرىلۋدە.
اكىممەن بىرگە ءجۇرىپ، بىرگە تۇراتىن (قىزمەتتىك ۇيدە) كومەكشىلەرىنىڭ
زاڭسىزدىقپەن اينالىسىپ جۇرگەنىنەن حابارسىزبىن دەگەن امىرەيەۆتىڭ
سوزىنە كىم سەنەدى. بولماسا ءبىر ەلدى باسقارىپ وتىرعان اۋىل اكىمدەرى مەن
ءبولىم باستىقتارى جاس بالالاردىڭ سۇراعانىن بەرە بەرەتىن اقىماقتار ما؟
سوندىقتان، وسى جاعدايدىڭ بارلىعىنا اۋدان اكىمى امىرەيەۆ ىڭعاي بەرگەن
دەپ ەسەپتەيمىز. وسى قىلمىستارعا بايلانىستى قانشاما اۋىلدىڭ اكىمدەرى
مەن مەكەمە باستىقتارى شاتىلىپ، جاۋاپ بەرۋدە. قازىرگى ۋاقىتتا اۋداندا
قوعامدىق ساياسي احۋال شيەلەنىستىڭ الدىندا تۇر.
جاقىندا الەۋمەتتىك جەلىدە ت. قالدىبايەۆتىڭ پرەزيدەنت
ق. توقايەۆقا، ا. شپەكبايەۆقا مالىمدەمەلەرى شىقتى. بولىپ جاتىرعان
جاعدايلارعا ارنايى رەسمي باعا بەرىپ، بايانداپ جاتىرعان قۇزىرلى
ورگاندار بولسا دا ءۇنسىز.
ت. قالدىبايەۆپەن جولىققانىمىزدا وزىندە بار اقپاراتتارمەن
ءبولىسىپ، امىرەيەۆ پەن ونىڭ كوماندالاستارىنىڭ اۋداندا جاساپ جاتقان
ورەسكەل زاڭسىز ارەكەتتەرى جونىندە پرەزيدەنت اكىمشىلىگىنەن باستاپ،
بارلىق جوعارى تۇرعان ورگاندارعا 2018 جىلدىڭ قازان ايىندا جازعان
شاعىمىمەن تانىستىق. جوعارعى ورىندارعا جولداعان شاعىمىنا وبلىس
اكىمى اپپاراتىنان زاڭ بۇزۋشىلىقتار انىقتالمادى دەپ جاۋاپ كەلگەن.
تاعى ءبىر تۇسىنگەنىمىز، لاۋازىمدى تۇلعا اۋدان اكىمدىگىنىڭ باس ينسپەكتورى
ج. دۇيسەكەيەۆتىڭ ءىسىن قارجى پوليسياسى قىلمىس كودەكسىنىڭ 366 بابىنان
الاياقتىققا 190 بابىنا اۋىستىرىپ سوتقا جولداعان. ال، ج. دۇيسەكەيەۆتىڭ
ايەلىنە جۇمىس ىستەمەسە دە زاڭسىز ايلىق تولەگەنى مەن سوعان سايكەس زاڭسىز
جاردەماقى تاعايىنداعانى جونىندەگى شاعىمىن جىلى جاۋىپ قويا سالعان.
ال، اۋدان اكىمىنىڭ ىقپالىمەن جاڭاقورعان-بىرلەستىك قوعامدىق قورى
بويىنشا اتقارىلماعان جۇمىستارعا قاراجات تولەۋ، جۇمسالعان
شىعىنداردىڭ قۇنىن نەگىزسىز ارتتىرۋ، جالعان قۇجاتتار ارقىلى
جۇمسالعان قاراجاتتاردى بۇركەمەلەۋ سياقتى قارجىلىق بىلىقتارى بولا
تۇرا، ەكونوميكالىق قىلمىس سيپاتىن وزگەرتىپ، ىس-ماتەريالدارىن ىشكى
ىستەر سالاسىنا جولداعان. سوندا قارجى پوليسياسى وسى زاڭسىزدىقتاردى
انىقتاۋعا ءبىلىمى مەن تاجىريبەسى جەتپەي جاتىر ما؟ بولماسا
زاڭسىزدىقتاردى انىقتاۋعا دالەلدەر جەتكىلىكتى ەمەس پە؟
ءبىز ءوزىمىز زەردەلەپ جانە زاڭگەرلەرمەن اقىلداسا وتىرىپ،
ج. دۇيسەكەيەۆتىڭ ءىسىن دۇرىس دارەجەلەنبەگەن دەپ ويلايمىز. سەبەبى،
نورماتيۆتىك قۇقىقتىق اكتىلەر تۋرالى زاڭدا كولەمi اۋقىمدى نورماتيۆتiك
قۇقىقتىق اكتiلەردiڭ مازمۇنى جاعىنان جاقىن باپتارى (تارماقتارى)
تاراۋلارعا بiرiكتiرiلەدى. ەندەشە قىلمىستىق كودەكستىڭ 15 تاراۋىنا
(15-تاراۋ. مەملەكەتتIك قىزمەت پەن مەملەكەتتIك باسقارۋ
مۇددەلەرIنە قارسى سىبايلاس جەمقورلىق جانە وزگە دە
قىلمىستىق قۇقىق بۇزۋشىلىقتار) جاتقىزىلعان 366 باپتاعى
پارا الۋ ءىسىن، 6 تاراۋدا (6-تاراۋ. مەنشIككە قارسى قىلمىستىق
قۇقىق بۇزۋشىلىقتار) قاراستىرىلعان ۇساق-تۇيەك جىمقىرۋ، ۇرلىق
سياقتى ىستەرمەن قاتار دارەجەلەپ، 190 باپپەن الاياقتىق دەپ
قاراستىرعانىن كورىپ، شىنىندا دا اكىم مەن ونىڭ كومانداسىن قولداۋشى
ىقپالدى تۇلعالار بار ما دەگەن ويعا قالامىز.
قۇرمەتتى ەل سەنىمىن ارقالاعان ازاماتتار!
ەلىمىز شىن مانىندە كونستيتۋسيادا كورسەتىلگەن زايىرلى، قۇقىقتىق،
دەموكراتيالى مەملەكەت دەپ ەسەپتەيتىن بولساڭىزدار، جاڭاقورعان
اۋدانىنىڭ اكىمى ع. امىرەيەۆتىڭ زاڭسىز ارەكەتىن اشكەرەلەپ، ناقتى، شىنايى
جانە تۇبەگەيلى شەشىم قابىلداۋلارىڭىزدى تالاپ ەتەمىز.
شىندىققا قول جەتكىزە الماعان جاعدايدا تاۋەلسىز بۇقارالىق
اقپارات قۇرالدارىن قاتىستىرا وتىرىپ، نارازىلىق اكسياسىن
وتكىزەتىنىمىزدى جەتكىزەمىز.
پىكىر قالدىرۋ