بۇگىن اتىراۋ قالاسىندا قازاقستان استاناسى نۇر-سۇلتان قالاسىنىڭ تۋعان كۇنىنە وراي مەرەكەلىك كونسەرت ءوتتى دەپ حابارلايدى Qamshy.kz اقپارات اگەنتتىگى اتىراۋ وبلىسىنىڭ وڭىرلىك كوممۋنيكاسيالار قىزمەتىنە سىلتەمە جاساپ.
"ەل استاناسى — نۇر-سۇلتان" اتتى مەرەكەلىك شارا م.وتەمىس ۇلى اتىنداعى اكادەميالىق قازاق دراما تەاترىندا ءوتتى. كەشتە ەلىمىزدىڭ استاناسىنا ارنايى جازىلعان اندەر شىرقالدى.
شاراعا ارنايى قاتىسقان ايماق باسشىسى نۇرلان نوعايەۆ ايتۋلى مەرەكەمەن قۇتتىقتاپ، نۇر-سۇلتان قالاسىنىڭ نەگىزىن سالۋداعى ماڭىزدىلىعىنا توقتالدى.
"ەلباسىمىز نۇرسۇلتان نازاربايەۆتىڭ باستاماسىمەن ق ر استاناسىن الماتىدان ەسىل بويىنا كوشىرۋ تۋرالى جارلىققا قول قويعان بولاتىن. بۇگىنگى تاڭدا سول شەشىمنىڭ وڭ ناتيجەسىن كورىپ، كۋاگەرى بولىپ كەلەمىز. ەلوردامىز بىلىممەن عىلىمنىڭ، مادەنيەت پەن سپورتتىڭ ورتالىعىنا اينالىپ وتىر. وڭىرلىك عانا ەمەس الەمدىك دەڭگەيدە كوتەرىلگەن ماسەلەلەردى شەشۋ ءۇشىن نۇر-سۇلتان قالاسىندا الەمنىڭ كوشباسشىلارى باس قوسىپ، كەلەلى شەشىمدەر قابىلدانىپ كەلە جاتىر"،- دەيدى اتىراۋ وبلىسىنىڭ اكىمى نۇرلان نوعايەۆ.
پىكىر قالدىرۋ