اتىراۋدا بەيبارىس داڭعىلى، قۇرمانعازى مەن ءۋاليحانوۆ كوشەلەرىن كەڭەيتۋ جانە قايتا جاڭعىرتۋ بويىنشا جۇمىستار جالعاسۋدا دەپ حابارلايدى Qamshy.kz اقپارات اگەنتتىگى اتىراۋ قالاسى اكىمدىگىنىڭ باسپا ءسوز حاتشىسىنا سىلتەمە جاساپ.
قالالىق تۇرعىن ۇي-كوممۋنالدىق شارۋاشىلىعى، جولاۋشىلار كولىگى جانە اۆتوكولىك جولدارى ءبولىمىنىڭ اقپاراتى بويىنشا جابىلاتىن كوشەلەر ءتىزىمى
- 2019 جىلدىڭ 6 شىلدەسىنەن باستاپ جاستار كوشەسىنەن("كوكتەم" بازارى)،لۋگوۆوي كوشەسىنە ("مەرەي" بازارى) دەيىنگى قۇرمانعازى كوشەسى؛
- 2019 جىلدىڭ 8 شىلدەسىنەن ءابدىراحمانوۆ كوشەسىنەن يسماعۇلوۆ كوشەسىنە دەيىنگى بەيبارىس داڭعىلى؛
اتىراۋ قالاسىنىڭ اكىمى اليمۇحاممەد قۇتتىمۇرات ۇلى قالا كوشەلەرىن قايتا جاڭعىرتۋ جانە كەڭەيتۋ جۇمىستارىنىڭ بارىسىن تەكسەرىپ، ءبىرقاتار ءتيىستى تاپسىرمالار بەردى.
- وتكەن جىلى ءبىز قالانىڭ 11 ورتالىق كوشەلەرىن كۇردەلى جوندەۋ جۇمىستارىن جۇرگىزۋ بويىنشا ءىرى جوبانى ىسكە اسىرۋدى باستادىق. ەگەر 2018 جىلى بايمۇحانوۆ، ۆلاديميرسكيي جانە تايمانوۆ كوشەلەرى جاڭارتىلىپ، كەڭەيتىلگەن بولسا، بيىلعى جىلى تاعى 8 كوشەنى جوندەۋ كوزدەلىپ وتىر. قازىرگى تاڭدا ءۇش كوشەنى جوندەۋ جۇمىستارى باستالىپ كەتتى. ءبىزدىڭ باستى ماقساتىمىز قالادا كەپتەلىس بولدىرماۋ، سونداي-اق، جۇرگىزۋشىلەر مەن جولاۋشىلار ءۇشىن قولايلى جاعداي جاساۋ، دەيدى قالا اكىمى جول جوندەۋ جۇمىسشىلارىنا.
ايتا كەتەيىك، بيىلعى جىلى قالالىق بيلىك كەلەسى كوشەلەردى قايتا جاڭعىرتۋ جۇمىستارىن جۇرگىزىپ، كەڭەيتۋدى جوسپارلاپ وتىر. ولار: عۇماروۆ ك. (0،528 شاقىرىم)، قۇرمانعازى ك. (4،05 شاقىرىم)، بەيبارىس داڭعىلى (10،002 ش)، عابدييەۆ ك. (1،234 ش)، س. داتوۆ ك. (4،69 ش)، اماندوسوۆ ك.(2،925 ش)، ءۋاليحانوۆ ك. (2،346)، گاگارين ك. (1،83).
قالعان جالپى ۇزىندىعى 6،986 شاقىرىم بولاتىن ازاتتىق داڭعىلى (2،546 شاقىرىم)، اۋەزوۆ (2،84 شاقىرىم)، مادەنوۆ (1،6 شاقىرىم) كوشەلەرىن قايتا جاڭعىرتۋ جانە كەڭەيتۋ ءۇشىن جسق تولىعىمەن اياقتالىپ، مەملەكەتتىك ساراپتامانىڭ وڭ قورىتىندىسى الىندى. جوعارىدا كورسەتىلگەن جولداردىڭ قۇرىلىس-مونتاج جۇمىستارى كەلەسى جىلعا جوسپارلانعان.
پىكىر قالدىرۋ