نەپالدىق ميللياردەر شىمكەنتتە ديسنەيلەندكە ۇقسايتىن ساياباق جانە اكۆاباق سالۋ ءۇشىن 100 ميلليون دوللار جۇمساماق. ازىرگە بۇل جومارت جاننىڭ ەسىمى جاسىرىن، دەپ حابارلايدى Qamshy.kz اقپارات اگەنتتىگى Stan.kz سايتىنا سىلتەمە جاساپ.
وبەكتىنى سالۋ ءۇشىن بيلىك 100 گەكتار جەر بولەدى. جوسپاردى تولىقتاي جۇزەگە اسىرۋ ءۇشىن ەكى جىل قاجەت دەپ جوسپارلانىپ وتىر. ۇن تاعامدارىن شىعارۋمەن اينالىساتىن بيزنەسمەن ءىستىڭ بۇگە-شۇگەسىن اقىلداسۋ ءۇشىن 13 شىلدە كۇنى قازاقستانعا ۇشىپ كەلەدى. بۇل سىي تۋرالى ەستىگەن كەيبىر شىمكەنتتىك سويلەۋ قابىلەتىنەن ايىرىلدى.
"ءبىز جاڭا اكۆاباق اشىلادى دەپ ەستىپ جاتىرمىز. سونداي ريزامىز. بۇل اكۆاباق قالانىڭ ەڭ كورىكتى جەرىنە اينالايىن دەپ تۇر. بۇل جاستارعا ارنالعان تاعى ءبىر ورىن بولماق"، - دەدى قالا تۇرعىنى.
جەرگىلىكتى بيلىك الداعى ءۇش جىل ىشىندە مەگاپوليستى تمد-نىڭ مادەني ورتالىعىنا اينالدىرماق. بۇل ءۇشىن 1،3 ترلن تەڭگە قاجەت بولادى. قالانى بيزنەسمەندەر اقشاسىنا دامىتۋ جوسپارلانىپ وتىر.
پىكىر قالدىرۋ