"ايدا عالىم قىزى بالايەۆا قازاقستان رەسپۋبليكاسى پرەزيدەنتىنىڭ كومەكشىسى – قازاقستان رەسپۋبليكاسى پرەزيدەنتى اكىمشىلىگىنىڭ وتىنىشتەردى قاراۋدى باقىلاۋ ءبولىمىنىڭ مەڭگەرۋشىسى بولىپ تاعايىندالسىن"،- دەلىنگەن پرەزيدەنت جارلىعىندا.

 

ايدا بالايەۆا عالىم قىزى 1974 جىلى الماتى وبلىسى جامبىل اۋدانى جامبىل اۋىلىندا دۇنيەگە كەلگەن. 2000 جىلى اباي اتىنداعى الماتى مەملەكەتتىك ۋني-ۆەرسيتەتىن «ورىس ءتىلى مەن ادەبيەتىنىڭ ءمۇعالىمى» ماماندىعى بويىنشا بىتىرگەن. 2007 جىلى قازاق ۇلتتىق اگرارلىق ۋنيۆەرسيتەتىن «قۇقىقتانۋ» ماماندىعى بويىنشا بىتىرگەن. 1999 جىلدان باستاپ مەملەكەتتىك قىزمەتتە. قىزمەتىن قازاقستان رەسپۋبليكاسى اقپارات جانە قوعامدىق كەلىسىم مينيسترلىگىنىڭ الماتى وبلىستىق اقپارات جانە قوعامدىق كەلىسىم باسقارماسىنىڭ قوعامدىق-ساياسي پروسەستەردى تالداۋ جانە ۇيلەستىرۋ ءبولىمىنىڭ جەتەكشى مامانى بولىپ باستاعان. اتالعان مينيسترلىك جۇيەسىندە 2004 جىلعا دەيىن جەتەكشى ما-ماننان باستاپ الماتى قالاسىنىڭ اقپارات باسقارماسى باستىعىنىڭ مىندەتىن اتقارۋشىسىنا دەيىن ءتۇرلى قىزمەتتەر اتقارعان. 2004 جىلى الماتى قالاسىنىڭ ىشكى ساياسات دەپارتامەنتى باستىعى ديرەكتورىنىڭ ءبىرىنشى ورىنباسارى بولىپ تاعايىندالدى. 2006 جىلى الماتى قالاسىنىڭ ىشكى ساياسات دەپارتامەنتىنىڭ ديرەكتورى بولىپ اۋىستى. 2008 جىلدىڭ 16 ساۋىرىنەن باستاپ استانا قالاسى ىشكى ساياسات دەپارتامەنتىنىڭ ديرەكتورى، كەيىن باسقارما باستىعى بولىپ جۇمىس ىستەيدى. كەيىننەن الماتى قالاسىنىڭ اكىمىنىڭ ورىنباسارى، قازاقستان رەسپۋبليكاسى پرەزيدەنتى اكىمشىلىگىنىڭ ىشكى ساياسات ءبولىمىنىڭ مەڭگەرۋشىسى قىزمەتتەرىن اتقاردى.