بۇگىن سەمەي قالاسىندا مۇحتار جاكىشيەۆتى مەرزىمىنەن بۇرىن بوستۋعا قاتىستى سوت وتىرىسى وتۋدە دەپ جازادى Qamshy.kz اقپارات اگەنتتىگى. سوت زالىنا مۇحتار جاكىشيەۆتى قولداۋعا 50 شاقتى ادام جينالدى. سوت وتىرىسى مۇحتار جاكىشيەۆسىز ءوتتى. سۋديا سوتتالۋشىمەن ۆيدەو ارقىلى بايلانىسقا شىقتى. سوت وتىرىسى اشىق تۇردە ءوتتى. 

مۇحتار جاكىشيەۆ سوت وتىرىسىنىڭ سوڭىندا سويلەدى. 

"مەن سوڭعى 10 جىلدا العاش رەت ەل الدىنا شىعۋىم. بۇگىن العاش رەت سوت وتىرىسى مەنىڭ قاتىسۋىممەن ءوتىپ جاتىر. وسىعان دەيىن 10 جىل بويى ماعان تەك تۇرمە تۋرالى ايتتى. مەن وزىمە قانداي ايىپ تاعىلعانىن ءالى كۇنگە دەيىن تۇسىنبەدىم. بۇگىن العاش رەت ادىلدىكتى كورىپ وتىرمىن. ەكىنشا سوت وتىرىسى كەزىندە ماعان سۋديا "جوعارى مارتەبەلىم" دەپ سويلە دەدى، مەن بولسام "سۋديا مىرزا" دەدىم. اتالمىش ازاماتتىق شاعىمدار كەيىن پايدا بولعان ەدى. ءتىپتى ەكىنشى سوت وتىرىسىندا مەنىڭ ادۆوكاتتارىم بولمادى. ءتورتىنشى سوت وتىرىسىندا مەنىڭ مەرزىمىمنەن بۇرىن بوساتىلۋىم تۋرالى عانا قارالعان بولاتىن. سول كەزدەگى مەنىڭ دەنساۋلىق جاعدايىم ەسكەرىلۋ كەرەك بولعان. ءبىراق سول كەزدەگى سوت وتىرىسىندا قانداي شەشىم شىققانىن وزدەرىڭىز دە بىلەسىزدەر. شىندىق اۋرۋ ەمەس. ونى جۇقتىرۋعا نەمەسە قولدان جاساۋعا بولمايدى. شىندىق ءارقايسىمىزدىڭ جۇرەگىمىزدەگى نارسە. اركىم ءوز تاڭداۋىن جاساۋعا قۇقىلى. مەنىڭ ويىمشا سىبىرلاپ ايتىلعان شىندىق بارىنەن قاتتى ەستىلەدى"، - دەيدى مۇحتار جاكىشيەۆ.