اتىراۋ قالاسىندا الاياقتىق جاساعان كوپبالالى اناعا سوت ۇكىمى شىقتى. بەلگىلى بولعانداي، كوپبالالى انا ءدال وسىنداي ارەكەتى ءۇشىن بۇرىن سوتتى بولىپتى دەپ جازادى Qamshy.kz اقپارات اگەنتتىگى.

تەرگەۋ بارىسىندا ايەلدىڭ اتىراۋ قالاسىندا «قازمۇنايگاز» ۇك» اق-نا جۇمىسقا تۇرعىزامىن دەپ 13 ادامدى سازعا وتىرعىزىپ كەتكەنى انىقتالدى. ولاردىڭ اربىرىنەن 50 مىڭ تەڭگەدەن اقشا العان. ال قالعان 20 مىڭ تەڭگەسىن «جۇمىسقا كىرۋى ءتيىس ادامدار» ۆاحتادان قايتقاسىن بەرۋگە كەلىسكەن. ءبىراق قولىنا اقشا تيگەن ايەل بەرگەن ۋادەسىن ۇمىتىپ كەتكەن.

ايەل ادام وسى ۋاقىتقا دەيىن الاياقتىق جاساعانى ءۇشىن ەكى جىل باس بوستاندىعىنان ايىرىلعان ەكەن.

اتىراۋ قالاسىنىڭ №2 سوتى ايەلدى قىلمىس جاساعانى ءۇشىن ق ر قك «الاياقتىق» بابىنا سايكەس ءۇش جىلعا باس بوستاندىعىنان ايىردى.

«سوت ۇكىم شىعاراردا ايەل ادامنىڭ جاساعان ىسىنە وكىنەتىنىن جانە كامەلەت جاسىنا تولماعان التى بالاسى بار ەكەنىن ەسكەردى. سونداي-اق، ول الاياقتىق جولمەن العان اقشالارىن ءوز يەسىنە قايتارۋى ءتيىس»، - دەپ مالىمدەدى سوتتىڭ باسپا ءسوز قىزمەتى.