5 شىلدە كۇنى مەملەكەت باسشىسى قاسىم-جومارت توقايەۆ الماتى قالاسىنىڭ اكىمى باقىتجان ساعىنتايەۆتى قابىلدادى، دەپ جازادى Qamshy.kz اقپارات اگەنتتىگى.
كەزدەسۋدە الماتىنىڭ الەۋمەتتىك-ەكونوميكالىق دامۋى، ۇكىمەتتىڭ كەڭەيتىلگەن وتىرىسىنىڭ قورىتىندىسى بويىنشا بەرىلگەن تاپسىرمالاردىڭ ورىندالۋ بارىسى تۋرالى مالىمەت بەرىلدى.
قازاقستان پرەزيدەنتى قالا ينفراقۇرىلىمىنىڭ ساپاسىن ارتتىرۋ، قوعامدىق قاۋىپسىزدىكتى نىعايتۋ، كولىك جۇيەسىن، مەديسينا جانە ءبىلىم سالالارىن دامىتۋ، سونداي-اق، «حالىقتىڭ ۇنىنە قۇلاق اساتىن مەملەكەت» تۇجىرىمداماسىن بەلسەندى تۇردە جۇزەگە اسىرۋ اسا ماڭىزدى ەكەنىن اتاپ ءوتتى.
سوڭىندا قاسىم-جومارت توقايەۆ الداعى وقۋ جىلىنا دايىندىق، تۇرعىندارعا ساپالى مەديسينالىق كومەك كورسەتۋ جانە شاھاردا قوردالانعان وزەكتى ماسەلەلەردى شەشۋ جونىندە ءبىرقاتار ناقتى تاپسىرما بەردى.
پىكىر قالدىرۋ