ماقتاارالدىڭ اۋدانى اكىمىنىڭ باسپا ءسوز قىزمەتىنىڭ مالىمەتىنشە، وڭىردە 60926،3 گەكتار ەگىستىك جەر بار. بيىل 38185 گەكتار جەرگە ماقتا، 1827،6 گەكتارعا ەرتە ەگىلەتىن كوكونىس، 54،2 گەكتارعا كارتوپ، 2003 گەكتارعا جاڭا جوڭىشقا، 1689 گەكتارعا ەسكى جوڭىشقا، 3178 گەكتارعا داندىك جۇگەرى، 500 گەكتارعا سۇرلەمدىك جۇگەرى، 1615 گەكتارعا كۇرىش، 152 گەكتارعا ماش، 47،4 گەكتارعا بيداي، 11502 گەكتارعا باقشا، 90،2 گەكتارعا جەمىس-جيدەك ەگىلگەن، دەپ حابارلايدى Qamshy.kz اقپارات اگەنتتىگى.

ەرتە ەگىلگەن كوكونىستىڭ ىشىندە 501،1 گەكتارعا قىرىققابات، 77 گەكتارعا قىزىلشا، 213 گەكتارعا بولگار بۇرىشى، 71،5 گەكتارعا پياز، 363،8 گەكتارعا قىزاناق، 173 گەكتارعا قيار، 210،2 گەكتارعا باكلاجان، 218 گەكتارعا ءسابىز ەگىلىپ، قازىرگى تاڭعا دەيىن جالپى 26388،6 توننا ءونىم جينالدى.

سول سەكىلدى ماقتاارالدىق ديقاندار كارتوپتان 250،5 توننا، جوڭىشقادان 22652 توننا جانە اۋدانداعى جالپى جىلىجايدان 652،2 توننا ءونىم العان. بۇگىنگى تاڭدا ماقتالى ولكەدە باقشا داقىلدارىن جيناۋ ناۋقانى قىزا تۇسكەن. ءقازىردىڭ وزىندە 100 مىڭ تونناعا جۋىق باقشا ونىمدەرى قازاقستاننىڭ بارلىق ايماعىنا تارالىپ، رەسەيگە جانە ەۋروپانىڭ بىرنەشە ەلدەرىنە ەكسپورتتالىپ ۇلگەردى.

ايتا كەتەيىك، ماقتاارال اۋدانىنىڭ ديقاندارى رەسپۋبليكادا ەڭ ءبىرىنشى بولىپ جانە وزبەكستانعا قاراعاندا 1 اپتا بۇرىن باقشا ونىمدەرىن نارىققا شىعارادى.