اتىراۋ وبلىسى اكىمى نۇرلان نوعايەۆ كوپ بالالى انالارمەن، مۇگەدەك بالالار تاربيەلەنەتىن وتباسىلارمەن كەزدەستى.
جينالىسقا قاتىسۋشىلاردى تولعاندىرعان نەگىزگى پروبلەمالار تۇرعىن ءۇي، اتاۋلى الەۋمەتتىك كومەك الۋ، تۇرعىلىقتى جەر بويىنشا تىركەلۋ، مەملەكەتتىك قوردان تۇرعىن ءۇي بەرۋدى جەدەلدەتۋ.
ايماق باسشىسى ۇسىنىستاردى، سونداي-اق، وسى ماسەلەلەردى شەشۋگە قاتىستى پروبلەمالاردى تىڭدادى. ول بارلىق ماسەلەلەر كونسترۋكتيۆتى تۇردە جانە زاڭ اياسىندا شەشىلۋى كەرەك ەكەنىن اتاپ ءوتتى.
-Telegram قوسىمشاسىنداعى «اتىراۋ وبلىسىنىڭ اكىمدىگى» چات كانالىندا وبلىس تۇرعىندارى كوپتەگەن سۇراقتار قويادى. شاعىم، ۇسىنىستار كوپ. ءبىز ءبارىن تىڭداۋعا دايىنبىز، ءبىراق ولار زاڭ اياسىندا شەشىلۋى كەرەك، - دەدى نۇرلان نوعايەۆ.
ايماق باسشىسىنىڭ ايتۋىنشا، وڭىردە 12 مىڭنان استام كوپ بالالى انا، 21 مىڭنان استام مۇگەدەك جانە ت.ب. بار. ءارقايسىسى ونىڭ پروبلەمالارى ءبىرىنشى كەزەكتە شەشىلگەنىن قالايدى.
-تامىزدىڭ باسىندا ەلباسى تۇڭعىش پرەزيدەنت قورىنىڭ اتقارۋشى ديرەكتورىنا دارىندى جاستار مەن ەرەكشە قاجەتتىلىكتەرى بار بالالاردى قولداۋعا باعىتتالعان جوبالاردى ىسكە قوسۋدى تاپسىردى. مەملەكەت باسشىسى ءوز كەزەگىندە حالىقتىڭ الەۋمەتتىك ءالسىز توپتارىنا جان-جاقتى قولداۋ كورسەتۋگە قاتىستى ءبىرقاتار تاپسىرمالار بەردى. جۇمىس كوپ، ءبىز بارلىق مىندەتتەردى كونسترۋكتيۆتى تۇردە شەشۋدەمىز، - دەدى وبلىس اكىمى.
قالالىق بولىمدەر مەن وبلىستىق باسقارما باسشىلارى كوپ بالالى انالاردىڭ سۇراقتارىنا جاۋاپ بەردى. ولار ااك تاعايىنداۋداعى كەدەرگىلەر، «باقىتتى وتباسى» باعدارلاماسىنا قاتىسۋ ءۇشىن قانداي قۇجاتتار قاجەت ەكەندىگى جانە از قامتىلعان جانە كوپ بالالى وتباسىلاردىڭ بالالارىنا جاڭا وقۋ جىلىنا دايىندالۋدا قانداي كومەك كورسەتۋگە بولاتىندىعى تۋرالى باياندادى
پىكىر قالدىرۋ