اتىراۋ وبلىسىنىڭ اكىمى نۇرلان نوعايەۆ ديپلوماتيالىق قىزمەتتىڭ ارداگەرى قايرات يساعالييەۆپەن كەزدەستى Qamshy.kz اقپارات اگەنتتىگى.
كەزدەسۋگە ديپلوماتتىڭ سەرىكتەستەرى، اۋىلداستارى شاقىرىلدى.
اتىراۋ وبلىسىنىڭ قۇرمانعازى اۋدانىندا تۋىپ- وسكەن قايرات يساعالييەۆ الماتىداعى شەت تىلدەرى ينستيتۋتىن فرانسۋز ءتىلى ماماندىعى بويىنشا اياقتاپ، بىرنەشە جىل الجيردە اۋدارماشى قىزمەتىن اتقاردى. بۇدان سوڭ شەت ەلدەرمەن دوستىق جانە مادەني بايلانىستىڭ قازاق قوعامىندا، قازاقستان كومپارتياسى ءوق-نىڭ حالىقارالىق بايلانىستار بولىمىندە، ق ر سىرتقى ىستەر مينيسترلىگىندە جۇمىس جاسادى، قازاقستاندىق شەتەلدىك تۋريزم سالاسىن باسقاردى. قازاقستاندىق ديپلوماتيانىڭ قالىپتاسۋ كەزەڭىندە قايرات يساعالييەۆ يۋنەسكو-مەن بايلانىس كوميسسياسىندا بەلسەندى قىزمەت ەتىپ، وسى قۇرىلىمنىڭ قالىپتاسىپ، دامۋىنا زور ۇلەس قوستى. سول جىلدارى ق.يساعالييەۆ ق ر ءسىم-نىڭ مادەني جانە گۋمانيتارلىق قارىم-قاتىناس باسقارماسىنىڭ باسشىسى بولعان ەدى.
ءوڭىر باسشىسى نۇرلان نوعايەۆ ديپلوماتيالىق قىزمەتتىڭ ۇلكەن جاۋاپكەرشىلىگى مەن جوعارى مارتەبەسىن اتاپ ءوتتى. بوگدە جۇرت ديپلوماتتارعا قاراپ، ونىڭ ەلى تۋرالى، مەملەكەتتىڭ ءبىلىم جانە مادەني دەڭگەيى، ەكونوميكالىق جانە گەوساياسي الەۋەتى تۋرالى وي تۇيەدى.
ديپلوماتيالىق قىزمەتتىڭ ارداگەرى قايرات يساعالييەۆتىڭ ۇلى ارمان دا كەزدەسۋگە قاتىستى. وسىدان ءۇش جىل بۇرىن مەملەكەت باسشىسىنىڭ جارلىعىمەن ول قازاقستاننىڭ ەگيپەت اراب رەسپۋبليكاسىنداعى توتەنشە جانە وكىلەتتى ەلشىسى بولىپ تاعايىندالدى.
پىكىر قالدىرۋ