قىرعىزستاننىڭ ەكس-پرەزيدەنتى المازبەك اتامبايەۆتىڭ ايەلى رايسا اتامبايەۆاعا قارسى قىلمىستىق ءىس قوزعالدى دەپ جازادى Qamshy.kz اقپارات اگەنتتىگى ازاتتىق راديوسىنا سىلتەمە جاساپ.
ازاتتىق راديوسىنىڭ جازۋىنشا، بۇل ءىس پرەزيدەنت اپپاراتىنىڭ سوت رەفورماسى جانە زاڭدىلىق ءبولىمىنىڭ بۇرىنعى مەڭگەرۋشىسى ماناس ارابايەۆتىڭ ءىسى اياسىندا قوزعالعان. بۇل تۋرالى ب ا ق وكىلدەرىنە رايسا اتامبايەۆانىڭ ءوزى ايتقان.
"ارابايەۆتىڭ ءىسى اياسىندا بۇگىننەن باستاپ ماعان قارسى قىلمىستىق ءىس قوزعالعانىن جاڭا عانا ءبىلدىم. مەن سۋديالاردىڭ ىسىنە ەشقاشان ارالاسپاعانىمدى ايتقىم كەلەدى، ساياسات لاس ءىس ەكەنىن بىلەتىنمىن، سوندىقتان وعان ارالاسپاۋعا تىرىستىم. مەن ءتىپتى ءبىر دە ءبىر سۋديانى تانىمايمىن"، - دەدى اتامبايەۆا.
ەكس-پرەزيدەنتتىڭ ايەلىنە قاتىستى قىلمىستىق ءىس قوزعالعانىن قىرعىزستان باس پروكۋراتۋراسى راستاعان.
بۇعان دەيىن اتامبايەۆنىڭ كۇيەۋى، قىرعىزستاننىڭ ەكس-پرەزيدەنتى المازبەك اتامبايەۆتىڭ ۇستىنەن بىرنەشە باپ بويىنشا قىلمىستىق ءىس قوزعالىپ، ول قاماۋعا الىنعان.
پىكىر قالدىرۋ