قازىرگى كەزدە جۇيەلى تۇردە جۇزەگە اسىپ جاتقان بار ماسەلەنى ايتا كەتپەسكە بولمايدى. بۇرىن ايتا كەتۋ كەرەك، مەملەكەتتىك اپپاراتتا بولسىن، جەكەلەگەن مەكەمەلەردە بولسىن، بارلىعىنا بىردەي تۇراقتى ايلىق تولەنىپ كەلدى. ءقازىر زامان باسقا. قالاي ەڭبەك ەتسەڭ، سونىڭ ناتيجەسىن كورۋىڭ كەرەك. بۇل – نارىق تالابى. بۇكىل الەم ەلدەرىندە دە سولاي. مۇنداي جۇيە ءقازىر ءبىزدىڭ مەملەكەتتىك قىزمەت اپپاراتىندا دا قولدانىلا باستادى. مۇنىڭ پايداسى وتە زور. مۇنىڭ جۇزەگە اسۋىنا بىردەن ءبىر سەبەپ بولىپ وتىرعان ەلباسى نازاربايەۆتىڭ "100 ناقتى قادام" ۇلت جوسپارى.
ۇلت جوسپارىنىڭ 5-قادامىندا "مەملەكەتتىك قىزمەتكەرلەردىڭ جالاقىسىن قىزمەتىنىڭ ناتيجەسىنە بايلانىستى ءوسىرۋ" قاجەتتىگى اتاپ كورسەتىلگەن. بۇل وتە ءتيىمدى. نەگە؟
- ەڭ الدىمەن مەملەكەتتىك اپپاراتتىڭ ساپاسى ارتادى.
- مەملەكەتتىك اپپاراتتا قىزمەت ىستەيتىن قىزمەتكەرلەردىڭ جۇمىس ۋاقىتى كەيدە 10-12 ساعاتقا سوزىلىپ كەتەتىنى بار.
- مۇنداي جاعدايدا، ياعني 5-باپقا سايكەس، ولار ەڭبەگىنىڭ ناتيجەسىن كورەدى.
- ولار جىل اياعىنا قاراي جۇمىس ناتيجەسىنە بايلانىستى كوتەرمە بونۋس الادى.
- "100 ناقتى قادامعا" سايكەس مەملەكەتتىك قىزمەتكەرلەردىڭ جەكە جۇمىسىنىڭ ناتيجەسى جىلدىق جەكە جوسپارى مەن جوبالارىنىڭ ورىندالۋىنا قاتىستى باعالانادى.
- سونىمەن قاتار، تۇراقتى ايلىق دەڭگەيى بار. ەگەر سەن ناتيجەلى جۇمىس ىستەمەسەڭ، وسى تۇراقتى ايلىقپەن كۇن كورەسىڭ. وسى ورايدا ءوزىڭ تارازىلىپ، شامالاپ سالىستىرىپ كور. تۇراقتى ءبىرقالىپتى ايلىقپەن ءومىر سۇرگەن جاقسى ما، جوق الدە، ساپالى ناتيجەلى جۇمىس ىستەپ، جوعارى جالاقى العان دۇرىس پا؟ ارينە سوڭعىسى تۇرمىسقا وڭ اسەر ەتەدى.
- ۇلت جوسپارىنا سايكەس، ەندى توقسان سايىن، مەرەكە سايىن بەرىلەتىن مەرەكەلىك سىياقىلار الىنىپ تاستالىناتىن بولادى.
- سوندىقتان الداعى ۋاقىتتا مەملەكەتتىك قىزمەتكەردىڭ ارنايى ءبىلىمىنىڭ بولۋى، تاجىريبەلىلىگى، ونىڭ جۇمىس ىستەۋ ساپاسى، جۇكتەمەسىنىڭ شەكتەن تىس كوبەيۋى، مۇنىڭ بارلىعى دا سوڭىندا تارازىلانىپ، ەسەپكە الىنادى.
- بۇل ءوز كەزەگىندە مەملەكەتتىك قىزمەتكە دەگەن جاۋاپكەرشىلىكتى ارتتىرادى.
جالپى ەڭبەگىنىڭ ناتيجەسىنە قاراي تولەنەتىن ەڭبەكاقى جۇيەسى دامىعان ەلدەردە وسى ۋاقىتقا دەيىن قولدانىلىپ كەلدى. ءبىزدىڭ نارىقتا جۇمىس ىستەپ جاتقان كوممپانيالاردا دا بۇل جۇيە دامىعان. ەندى بۇل ءبىزدىڭ مەملەكەتتىك قىزمەت اپاراتىندا دا جۇزەگە اسادى. سوندىقتان مەملەكەتتىك قىزمەتكە دەگەن قىزىعۋشىلىق پەن جاۋاپكەرشىلىك ارتاتىن بولادى. ال مۇنىڭ تيىمدىلىگى وتە زور.
پىكىر قالدىرۋ