راسىندا دا جۇڭگو ەلىنەن شىققان گلوبۋستا قازاقستان جوق بولىپ شىقتى. مۇنداي زاتتار ەلىمىزدىڭ شەكارا كەدەن بەكەتىنەن قالاي وتكەن؟ بۇل جاڭالىقتى ءوزىنىڭ فەيسبۋك پاراقشاسىندا نازەركە سەرىك قىزى جاريالادى.
–بيىل باۋىرىم (ءىنىم) 6 سىنىپقا قادام باستى. ءبىراز بۇرىن العان وقۋ قۇرالدارىن تۇگەلدەپ ەرتەڭگى ساباعىنا دايىندالىپ جاتقانبىز. پەنالىن، اپ-ادەمى قارىنداشتارىن، سىزعىشتارىن كورسەتىپ ءماز بولىپ جاتتى. ءبىراق مەنىڭ كوزىم پەنالدىڭ ىشىندەگى گلوبۋسقا ءتۇستى. سويتسەم، ول گلوبۋستىڭ بەينەسىندەگى #ۇشتاعىش (توچيلكا) ەكەن. شىركىن-اي، ءبىزدىڭ كەزدە، ءبىزدىڭ اتا-انامىزدىڭ كەزىندە بۇنداي كەرەمەت دۇنيەلەر بولمادى عوي. سۇپ-سۇيكىمدى جاراتىلىس ەكەن دەپ قولىما ۇستاپ تۇرىپ ىشىنەن قازاقستان دەگەن جازۋدى ىزدەي باستادىم. سەنەسىز بە؟ الەم كارتاسىنىڭ ىشىندە #قازاقستان جوق؟♀️؟ ال ەندى جىنىڭ كەلە مە، كەلمەي مە؟ قازاعىم ەركىندىك، تاۋەلسىزدىك جايلى ايتىپ، شارق ۇرىپ، ازاتتىق پەن ادىلدىك ىزدەپ جۇرگەندە الەم كارتاسىنان جوعالىپ بارا جاتقانىمىزدى سەزبەي دە جاتىرمىز؟. ەگەر ءسىز شىنىمەن ۇرپاق ءۇشىن الاڭدايتىن بولساڭىز ۇل-قىزىڭىز بەن ءىنى-قارىنداسىڭىزعا تۋعان ەلى تۋرالى ءجيى ايتىڭىز☝️. بۇل ۇساق دۇنيە دۇنيە ەمەس. سالعىرت تا قاراۋعا بولمايدى. وتىرىك قازاقپىن دەپ كەۋدەنى ۇرا بەرمەي، ىسپەن دالەلدەڭدەر؟. ال مەن باۋىرىما «مىنا ۇشتاعىشىنىڭ ورنىنا باسقاسىن الىپ بەرەمىن» دەپ شەشتىم!»،– دەيدى ءوزىنىڭ جازباسىندا نازەركە سەرىك قىزى.
اۆتوردىڭ پىكىرىنىڭ استىنا جازبا قالدىرعاندار "مۇنداي دۇنيە كەدەن بەكەتىنەن قالاي ءوتىپ كەتكەن؟"، "ءتيىستى ورىندار بۇعان سالعىرت قاراماۋى ءتيىس"، "مۇنى بۇلاي قالدىرۋعا بولمايدى" دەپ ءوز پىكىرلەرىن بىلدىرگەن..
پىكىر قالدىرۋ