پرەزيدەنت، ەلگە قۇلاق اس!
ۇلارداي ۋلاپ-شۋلاعان.
جايدان-جاي جۇرتىڭ جىلاماس،
جۇرەگى اتشا تۋلاعان!
بارامىن دەيسىڭ قىتايعا،
ارقالاپ اۋىر مىندەت-جۇك.
قىتايدا جاتىر كۇش-ايلا،
بەرەدى ەمسىز ىندەت قىپ.
حالقىڭدى تىڭدا، وداندا،
ەلباسىن ەمەس كۇنى وتكەن.
سارقىلدى سابىر، ادامدا،
قازاقىلىقپەن كۇزەتكەن.
قايتەسىڭ جۇڭگو زاۋىتىن،
كۇنىمىز قاراپ قالىپ پا؟
قازاقتىڭ سەن دە جاۋىسىڭ،
قۇل بولساڭ "قىتاي-الىپقا".
جارقىراپ تۇرعان جارىق كۇن،
كەڭ بايتاق جەرىڭ تاۋەلسىز.
قىتايعا كونسەڭ ءعارىپ شىن،
وكسىكپەن كۇندە ولەرمىز.
ەركەك بول، ەر بول، توقايەۆ!
انتىڭا ادال ادام بول!
وتىرا بەرمە، شوقايىپ،
ەل قورعا، باستى قادام سول!
پرەزيدەنت، سوزگە قۇلاق اس!
جۇڭگو ما باقىت ولشەمى؟
ەۋروپامەن ارالاس،
ەڭكەيتپە، ەز بوپ ەڭسەنى!
بەيجىننىڭ ءمالىم پيعىلى،
جەرىڭە سەنىڭ قىزىققان.
35 زاۋىت سىيلىعى،
قىلبۇراۋ سالىپ قۇرىقتان.
قىلعىندىرىپ بۇرايدى،
ينۆەستيسيا ارەكەت.
كوك تۋىڭ كۇلگە قۇلايدى،
بيلەيدى سايتان پالەكەت.
وسىنى كورمەي نە بولدى؟
ايداھار جۇتار جەتى باس.
كەلىپ تۇر، ايتىپ"بول-بولدى"،
"توقايەۆ،"توق-توق!" ەسىك اش!"
جۋىتپا، جەتەر، جولاتپا،
قىتايسىز اتار تاڭ كۇلىپ.
جارماستى سان بيت بالاققا،
ورمەلەپ باسقا، قاڭعىرىپ.
قازاعىڭ — جانىڭ، جۇرەگىڭ!
جاناشىر باسقا كىمىڭ بار؟
قازاعىڭ — قانىڭ، تىرەگىڭ!
قازاقپەن عانا كۇنىڭ بار!
اۋەلى — اللا، سودان سوڭ،
حالقىڭ عوي ارقا سۇيەرىڭ!
قارا قىتايعا ورمان قول،
ەسىكتىڭ اشپا تيەگىن!
ءسوز تىڭدا، قاسىمجومارتىم،
قىرىق كىسىلىك اقىلمەن.
يتەر-قىلجىڭدى دوعارعىن،
ساناسقىن، بىزدەي پاقىرمەن!
حالىقتان اسقان ەشكىم جوق،
ەلىڭدى تىڭدا، پرەزيدەنت!
وزەكتى ورتەپ ەستىم وت،
تاۋەلسىزدىك! وتان! جەر ءۇشىن،
ەل ءۇشىن قانىم توگىلسىن!
ويلانىپ جاتپان، جان پيدا!
ەرلەردە باسقا سەزىم جوق!
ەلىڭدە باسقا سەزىم جوق!
مەنىڭ دە باسقا ءسوزىم جوق!
مۇنايدار بالمولدا
پىكىر قالدىرۋ