قازاقستاننىڭ حالىق جازۋشىسى، مەملەكەت جانە قوعام قايراتكەرى، ەڭبەك ەرى ءابىش كەكىلباي ۇلىنىڭ 80 جىلدىعىنا وراي الماتى قالاسىنداعى بوستاندىق اۋدانىندا ورنالاسقان كورىكتى كوشەلەردىڭ بىرىنە ابىزدىڭ ەسىمى بەرىلدى. سالتاناتتى شاراعا الماتى قالاسىنىڭ اكىمى ب.ساعىنتايەۆ، ماڭعىستاۋ وبلىسى اكىمىنىڭ ورىنباسارى ق.جۇماشيەۆ جانە جازۋشىنىڭ جارى كلارا جۇماباي قىزى مەن تۋىستارى قاتىستى. الماتى جۇرتشىلىعىن ايتۋلى قۋانىشپەن قۇتتىقتاعان شاھار باسشىسى بۇل شارانىڭ ءوز شىعارمالارىمەن ماڭگى جاسايتىن قازاقتىڭ كەمەڭگەر جازۋشىسىنا بەرىلگەن باعا ەكەنىن ايتتى.
سونداي-اق، الماتىداعى ن.نازاربايەۆ داڭعىلىندا ورنالاسقان ءا.كەكىلبايەۆ تۇرعان 118-ۇيگە مەموريالدىق تاقتا ورناتىلىپ، سالتاناتتى جاعدايدا اشىلدى.
پىكىر قالدىرۋ