اقان ساتايەۆ "تاريحي فيلمگە VI عاسىردا بولعان وقيعالار ارقاۋ بولعان. بۇل جەردە تاريحتى بۇرمالاۋ ورىن المادى. ءفيلمنىڭ سەنارييى گەرودوتتىڭ دەرەكتەرىنە سۇيەنە وتىرىپ، تاريحي ماتەريالدار مەن عالىم-كەڭەسشىلەر ماعلۇماتى نەگىزىندە جازىلدى" – دەپ ايتتى ءوز سوزىندە.
ب ا ق وكىلدەرىنىڭ "ءفيلمنىڭ العاشقى كورسەتىلىمى نەلىكتەن قازاق تىلىندە وتكىزىلمەدى" دەگەن سۇراعىنا اقان ساتايەۆ "قانداي تۋىندى بولماسىن ساياسات پەن ونەردى ارالاستىرمايمىز. بىزدە ءفيلمنىڭ قازاقشا نۇسقاسى تولىعىمەن بار. الايدا "قازاقفيلم" پرەمەرانى "ورىس تىلىندە، قازاق تىلىندەگى اۋدارماسىن قوسىپ كورسەتەمىز" دەگەن شەشىم قابىلدادى" دەپ جاۋاپ بەردى.
توميريس ءرولىن سومداۋ ءۇشىن وتكىزىلگەن كاستينگتەن سۇرىنبەي ءوتىپ، باستى كەيىپكەردى سومداعان الميرا تۇرسىن "بۇل ءرولدى سومداۋ مەن ءۇشىن ۇلكەن باقىت. شىعارماشىلىق جولىم توميريس رولىنەن باستالعانى ءۇشىن قۋانىشتىمىن" دەگەن جۇرەكجاردى لەبىزىن ءبىلدىردى.
"ءرولدى ەرەكشە ماحابباتپەن ورىنداعاندىقتان دا قيىنشىلىق سەزىلمەدى. اكتەرلەرمەن بىرگە "Nomad" جاتتىقتىرۋ لاگەرىندەگى اۋقىمدى دايىندىقتان وتتىك. سودان العان تاجىريبەنىڭ ارقاسىندا كوپتەگەن قيىندىقتى ەڭسەرە الدىق، – دەيدى 15 جاستاعى ءتوميريستىڭ ءرولىن ويناعان سالتانات سەركەبايەۆا.
پىكىر قالدىرۋ