سىبايلاس جەمقورلىققا قارسى كۇرەس قىزمەتى باسشىسىنىڭ ءبىرىنشى ورىنباسارى ولجاس بەكتەنوۆ الماتى وبلىسى اكىمىنىڭ ورىنباسارى باعدات ءمانىزوروۆتىڭ ۇستالعانى تۋرالى مالىمەتتى راستادى، - دەپ حابارلايدى Qamshy.kz اقپارات اگەنتتىگى Tengrinews.kz اقپاراتىنا سۇيەنىپ.
"ءمانىزوروۆ مىرزا، الماتى وبلىسى اكىمىنىڭ ورىنباسارى، شىنىندا ۇستالدى. ءبىز وسىنى راستايمىز. قازىرگى ۋاقىتتا ول ۋاقىتشا ۇستاۋ يزولياتورىنا قامالدى. ونىڭ ىس-ارەكەتتەرىن ناقتى سارالاۋ ءۇشىن وعان قىلمىستىق كودەكستىڭ قانداي بابى بويىنشا ايىپ تاعىلاتىنى جانە وعان قانداي بۇلتارتپاۋ شاراسى قولدانىلاتىنى قاراستىرىلىپ جاتىر"، - دەدى بەكتەنوۆ سەناتتا جۋرناليستەردىڭ سۇراعىنا جاۋاپ بەرىپ. ونىڭ ايتۋىنشا، باسقا مالىمەتتەر جاريالانبايدى ەكەن.
پىكىر قالدىرۋ