ورتا سالماقتا الەم چەمپيونى بولعان گەنناديي گولوۆكين ساۋل "كانەلو" الۆارەستىڭ نەلىكتەن ءۇشىنشى كەزدەسۋ وتكىزۋدەن باس تارتىپ وتىرعانىن ءتۇسىندىردى، - دەپ حابارلايدى Qamshy.kz اقپارات اگەنتتىگى vesti.kz سايتىنىڭ دەرەگىن نەگىزگە الا وتىرىپ. 

گولوۆكيننىڭ ايتۋىنشا، "كانەلو" ناعىز قارسىلاسىمەن شىقپاس ءۇشىن سەرگەي كوۆاليەۆپەن جۇدىرىقتاسۋدى ۇيعارعان. ايتا كەتەيىك، گولوۆكين مەن الۆارەس وسىعان دەيىن ەكى رەت شارشى الاڭدا جۇدىرىقتاستى. ولاردىڭ ءبىرىنشى كەزدەسۋى 2017 جىلى قىركۇيەكتە تەڭ اياقتالدى، ال ءبىر جىلدان سوڭ تورەشىلەر جەڭىسى مەكسيكالىققا بەرگەن ەدى.

"مەن ءوزىمدى جاقسى سەزىنەمىن، چەمپيون سەكىلدى. مەن ءۇشىن ءار جەكپە-جەك چەمپيوندىق كەزدەسۋ. ءوزىمدى ءاردايىم بىركەلكى سەزىنەمىن. بارلىق جەكپە-جەك مەن ءۇشىن ماڭىزدى.

الۆارەس مەنىمەن جۇدىرىقتاسقىسى كەلمەيدى، نە جۇدىرىقتاسا المايدى، ويتكەنى ول وزىنە ءتيىمدى جالعى جولدى تاڭداپ، كوۆاليەۆپەن جۇدىرىقتاساتىن بولدى. ول ماعان جەكپە-جەك ۇسىنىپ، ءوزى باس تارتتى. بۇل دەگەنىمىز - مەنىمەن شارشى الاڭدا كەزدەسپەۋ ءۇشىن كوۆاليەۆتى تاڭداعانى.

قارسىلاستى باعالاماۋعا بولمادي. كەز كەلگەن جاعدايدا قارسىلاسقا دايىندالۋ كەرەك. بۇل دۋەل سەكىلدى. بۇعان دەيىن قانشا دۋەل وتكىزگەنىڭ ماڭىزدى ەمەس. وسى ەڭ سوڭعىسى بولۋى مۇمكىن. دەريەۆيانچەنكونىڭ جەكپە-جەككە دەگەن قارىم-قاتىناسى مەن ماعان دەگەن سىيلاستىعى، سەرگەيدىڭ تياناقتى دايىندىعىنىڭ بەلگىسى"، - دەيدى گولوۆكين. 

گولوۆكين 5 قازاندا نيۋ-يوركتە شارشى الاڭعا قايتىپ ورالادى. ول ۋكراينالىق سەرگەي دەريەۆيانچەنكومەن جۇدىرىقتاسىپ، ورتا سالماقتا IBF جانە IBO بەلبەۋلەرىنە تالاساتىن بولادى.  2 قاراشادا لاس-ۆەگاستا الۆارەس-كوۆاليەۆ كەزدەسۋى وتەدى. ولار جارتىلاياۋىر سالماقتا WBO بەلبەۋىنە تالاسااتىن بولادى.