مەملەكەت باسشىسى قاسىم-جومارت توقايەۆ پرەمەر-مينيستر اسقار مامين مەن پارلامەنت سەناتىنىڭ ءتوراعاسى داريعا نازاربايەۆانى قابىلدادى دەپ جازادى Qamshy.kz اقپارات اگەنتتىگى akorda.kz سايتىنا سىلتەمە جاساپ.
پرەمەر-مينيستر اسقار مامين پرەزيدەنت قاسىم-جومارت توقايەۆقا الەۋمەتتىك-ەكونوميكالىق دامۋدىڭ وزەكتى ماسەلەلەرى، شەتەلدىك ينۆەستيسيالاردى تارتۋ بارىسى، مەملەكەتتىك-جەكەمەنشىك ارىپتەستىك جوبالارىن ىسكە اسىرۋ، وڭىرلەردى دامىتۋ جونىندە قابىلدانىپ جاتقان شارالار تۋرالى باياندادى.
سونداي-اق اسقار مامين پرەزيدەنتكە 2019 جىلعا ارنالعان رەسپۋبليكالىق بيۋدجەتتى ناقتىلاۋ جوباسى جايىندا دا اقپارات بەردى. مەملەكەت باسشىسى پرەمەر-مينيسترگە قازان ايىنىڭ ورتاسىندا وتەتىن ەكونوميكالىق دامۋ ماسەلەلەرىنە ارنالعان ۇكىمەتتىڭ كەڭەيتىلگەن وتىرىسىنا دايىندىق جۇمىستارىن باستاۋدى تاپسىردى.
سەنات ءتوراعاسى پرەزيدەنتكە پارلامەنتتىڭ جوعارى پالاتاسى جۇمىسىنىڭ جاي-جاپسارى مەن زاڭ شىعارۋ قىزمەتىنىڭ جوسپارى تۋرالى ايتتى. پرەزيدەنت جولداۋدىڭ نەگىزگى باعىتتارىن ساپالى زاڭنامامەن قامتاماسىز ەتۋدىڭ ماڭىزدىلىعىن اتاپ ءوتتى.
پىكىر قالدىرۋ