جامبىل وبلىسىندا مەملەكەتتىك قىزمەتكەرلەرگە ارنالعان جاستار كادر رەزەرۆى كونكۋرسىنىڭ تالاپتارى مەن تىركەۋ تارتىپتەرى تۇسىندىرىلۋدە دەپ جازادى Qamshy.kz اقپارات اگەنتتىگى.
وسى ماقساتتاعى جيىننىڭ ءبىرى بايزاق اۋدانىندا ءوتتى. باسقوسۋدا قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ جامبىل وبلىسى بويىنشا دەپارتامەنتى باسشىسىنىڭ مىندەتىن اتقارۋشى نۇرلان ەركەبايەۆ پەن اتالمىش دەپارتامەنتتىڭ مەملەكەتتىك قىزمەت باسقارماسىنىڭ باس مامانى سايات تولەپبەرگەنوۆ مەملەكەتتىك قىزمەت، جەكە جانە كۆازيمەملەكەتتىك سەكتور سالاسىنداعى جاستارمەن كەزدەستى.
باسقوسۋدى اۋدان اكىمى اپپاراتىنىڭ باسشىسى باقتيار اقبايەۆ اشىپ، مەملەكەتتىك اپپاراتتىڭ تيىمدىلىگىن ودان ءارى ارتتىرۋ بويىنشا جۇمىستار ەل پرەزيدەنتىنىڭ سايلاۋالدى باعدارلاماسىندا ايتىلعان تاسىلدەردى ىسكە اسىرۋ اياسىندا جالعاسىپ جاتقانىن العا تارتتى. سونىمەن قاتار، مەملەكەت باسشىسىنىڭ تاپسىرماسىمەن پرەزيدەنتتىك جاستار كادرلىق رەزەرۆىن قالىپتاستىرۋ بويىنشا جۇمىستار باستالىپ كەتكەنىن، وسى ماقساتتا وتكىزىلىپ وتىرعان كەزدەسۋدىڭ ماڭىزدىلىعىنا توقتالدى.
پرەزيدەنتتىك جاستار كادرلىق رەزەرۆىن قالىپتاستىرۋ جانە كونكۋرس شارتتارى مەن مىندەتتەرىن كەزەڭ-كەزەڭمەن پىسىقتاۋ ماقساتى كەڭىنەن تالقىلانعان كەزدەسۋ بارىسىندا قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ جامبىل وبلىسى بويىنشا دەپارتامەنتى باسشىسىنىڭ مىندەتىن اتقارۋشى نۇرلان ەركەبايەۆ ءوڭىر جاستارىنا زور ءۇمىت ارتىلىپ وتىرعانىن جانە ولار الداعى رەفورمالاردىڭ قوزعاۋشى كۇشى بولۋى كەرەكتىگىن اتاپ ءوتتى.
پرەزيدەنتتىك جاستار كادر رەزەرۆى – بەلسەندى جاستار ءۇشىن الداعى ەلدە بولاتىن وڭ وزگەرىستەرگە ءبىلىمى مەن ەڭبەگىن جۇمساۋعا مۇمكىندىك بەرەتىن تاريحي ناۋقان. ايتا كەتەتىن جايت، رەزەرۆكە الىنعان جاستارعا الداعى 5 جىل ىشىندە مەملەكەتتىك ەڭ جوعارى باسقارۋشىلىق لاۋازىمدار ۇسىنىلادى. اتاپ ايتقاندا، رەزەرۆكە الىنعان ازاماتتارعا مينيستر جانە ولاردىڭ ورىنباسارلارى، جاۋاپتى حاتشى، وبلىس اكىمى مەن ورىنباسارلارى، اپپارات باسشىلارى، كوميتەت ءتوراعالارى، ۇلتتىق كومپانيا مەن حولدينگ ءتوراعالارى جانە مۇشەلەرى، سونداي-اق، اۋدان، قالا اكىمى لاۋازىمدارىنا ورنالاسۋعا مۇمكىندىك بەرىلەدى.
- 2019 جىلدىڭ 1-30 قىركۇيەگى ارالىعىندا جۇرگىزىلەتىن قۇجات قابىلداۋ كەزەڭىنە بارلىق سالادا كەمىندە 5 جىل جۇمىس ءوتىلى بار، 35 جاسقا تولماعان ەلىمىزدىڭ جوعارى ءبىلىمدى ازاماتى ۇمىتكەر بولا الادى. رەزەرۆ جەدەل شەشىم قابىلداۋعا قابىلەتتى، قۇبىلمالى جۇمىس جاعدايلارىنا جىلدام يكەمدەلە الاتىن “جاڭا فورماسيا” باسشىلارى بولا الاتىن مەملەكەتتىڭ جوعارى باسقارۋشىلىق قىزمەتتەرىنە الەۋەتتى ۇمىتكەرلەردى بىرىكتىرەتىن بولادى. ىرىكتەۋدىڭ بارلىق ساتىلارىنان ءوتىپ، رەزەرۆتەگىلەر تىزىمىنە ەنەتىندەر
تاعايىندالۋى مۇمكىن باسقارۋشىلىق لاۋازىمدار سپەكترى بارىنشا اۋقىمدى. بۇل تۋرالى ءبىزدىڭ اگەنتتىك ازاماتتاردى جەتكىلىكتى اقپاراتتاندىردى. بۇل اقپارات ارنايى ىسكە قوسىلعان pkrezerv سايتىندا دا جاريالانعان. رەزەرۆكە ەنۋ فاكتىسىنىڭ ءوزى مەملەكەتتىك لاۋازىمعا تاعايىندالۋ كەپىلدىگىن بەرمەيدى.ءتيىستى بوس ورىن بولعان جاعدايدا بۇل قىزمەتكە جاستار كادرلىق رەزيەۆرى جونىندەگى ۇلتتىق كوميسسيا رەزەرۆتە تۇرعان تۇلعانى ۇسىنا الادى. تاعايىنداۋلار رەزەرۆكە ەنگىزىلگەن تۇلعالار اراسىنان دا، قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن باسقا دا تۇلعالار اراسىنان دا بولۋى مۇمكىن - دەدى نۇرلان ەركەبايەۆ.
كەزدەسۋ سوڭىندا نۇرلان تاڭىربەردى ۇلى بايزاقتىق جاستاردى «جاستار جىلى» اياسىندا بەرىلگەن ايرىقشا مۇمكىندىك پەن ناقتى قولداۋ ارقىلى حالقىمىزعا ادال قىزمەت ەتۋگە دايىن، دارىندى، ءبىلىمدى جانە تاجىريبەلى جاستاردى ىرىكتەۋگە ارنالعان جاڭا جوباعا قاتىسۋعا شاقىردى.
پىكىر قالدىرۋ