ى.دۇكەن ۇلى اتىنداعى تاراز قالالىق مادەنيەت ۇيىندە وڭتۇستىك ايماقتاعى ىشكى ىستەر ورگاندارىنىڭ قىزمەتكەرلەرى اراسىندا «ءان جۇرەكتە – تۋعان جەر» اتتى پاتريوتتىق ءان ارت فەستيۆالىنىڭ وڭىرلىك كونكۋرسى ءوتتى دەپ جازادى Qamshy.kz اقپارات اگەنتتىگى.

پاتريوتتىق ءان ونەرى بايقاۋى ىشكى ىستەر ورگاندارى قىزمەتكەرلەرىنىڭ رۋحاني دەڭگەيى مەن پاتريوتتىق تاربيەسىن جەتىلدىرۋگە، ولاردى ۇلتتىق جانە الەمدىك مادەنيەت پەن ونەرمەن تانىستىرۋعا، ۇجىمدارداعى مورالدىق-پسيحولوگيالىق احۋالدى جاقسارتۋعا، سونداي-اق قازاقستاننىڭ جاعىمدى ءيميدجىن نىعايتۋ ماقساتىندا ۇيىمداستىرىلدى. كونكۋرسقا الماتى جانە تۇركىستان وبلىستارىنىڭ پوليسيا دەپارتامەنتتەرىنىڭ، الماتى جانە شىمكەنت قالالارىنىڭ، الماتى وبلىسىنىڭ مامانداندىرىلعان كۇزەت قىزمەتى باسقارماسى، سونىمەن قاتار ءوزىمىزدىڭ وبلىستىق پوليسيا دەپارتامەنتى، قىلمىستىق-اتقارۋ جۇيەسى دەپارتامەنتى جانە مامانداندىرىلعان كۇزەت قىزمەتى باسقارماسى شىعارماشىلىق ۇجىمدارى قاتىسىپ، ونەرلەرىن ورتاعا سالدى.

شارانىڭ اشىلۋ سالتاناتىنا قاتىسقان ايماق باسشىسىنىڭ ورىنباسارى سۇلۋشاش قۇرمانبەكوۆا ەلباسىنىڭ «بولاشاققا باعدار: رۋحاني جاڭعىرۋ» ماقالاسىندا ۇلتتىق سالت-داستۇرلەرىمىز، ءتىلىمىز بەن مۋزىكامىز، ادەبيەتىمىز، جورالعىلارىمىز، ۇلتتىق رۋحىمىز بويىمىزدا ماڭگى قالۋعا ءتيىس ەكەندىگى ايتىلعانىن تىلگە تيەك ەتىپ، قۇقىق قورعاۋ سالاسىنداعى مامانداردىڭ رۋحى بيىك بولۋى قاجەتتىگىن جەتكىزدى. سوندىقتان ۇلتتىق رۋحتى كوتەرۋدە ءان ونەرىنىڭ الاتىن ماڭىزى جوعارى ەكەندىگىنە باسا ايتىپ، قاتىسۋشىلارعا ساتتىلىك تىلەدى. ءوز كەزەگىندە وبلىستىق پوليسيا دەپارتامەنتى باسشىسىنىڭ ورىنباسارى، پوليسيا پولكوۆنيگى باقىتجان ەرالين كونكۋرس ەلباسى ن.نازاربايەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنىڭ جانە جاستار جىلى اياسىندا ۇيىمداستىرىلىپ جاتقانىن جەتكىزدى.

– پوليسيا قىزمەتكەرلەرىنىڭ جاس ۇرپاققا پاتريوتتىق تاربيە بەرۋدە جاۋاپكەرشىلىگى جوعارى. ءارى ولاردىڭ تۋعان جەرگە دەگەن ماحاببات سەزىمى، جوعارى ازاماتتىق ۇستانىمدى جانە داڭقتى ءداستۇردىڭ ادال ءىزباسارلارى بولۋعا دەگەن ۇمتىلىسى جاستارعا ۇلگى بولۋعا ءتيىس. سوندىقتان ولار ءوز ەلىنىڭ پاتريوتى بولۋلارى كەرەك. وسى ورايدا ءبىز جاس قىزمەتكەرلەر اراسىندا پاتريوتتىق اندەردىڭ ەڭ جاقسى ۇلگىلەرىن ناسيحاتتاي وتىرىپ، كەيىنگى تولقىنعا ەستەتيكالىق تالعام، مەملەكەتىمىزدىڭ تاريحىنا قۇرمەت سەزىمىن ۇيالاتۋدى ماقسات ەتتىك، – دەدى ب.ەرالين.

جالپى بايقاۋدا قاتىسۋشىلار ەسترادالىق، اكادەميالىق جانە حالىقتىق ستيلدە پاتريوتتىق شىعارمالاردى دۋەت، تريو جانە كۆارتەت بولىپ ورىنداۋ بويىنشا ءۇش نوميناسيادا ب ا ق سىنادى. ءوز كەزەگىندە قازىلار القاسى ولاردىڭ تاڭداعان رەپەرتۋارلارىنىڭ كوركەمدىك قۇندىلىعى، ورىنداۋ شەبەرلىگى، ساحنا مادەنيەتىنە باعا بەردى. ءبىراق قازىلار القاسىنا ۇزدىكتەردىڭ ۇزدىگىن انىقتاۋ وڭايعا تۇسپەدى. سەبەبى قاتىسۋشىلار وتە جوعارى دەڭگەيدە ونەر كورسەتىپ، قۇقىق قورعاۋ سالاسىنداعى قىزمەتتەرىنەن بولەك ونەرگە دە تالاسى بار ەكەندىكتەرىن بايقاتتى. دەگەنمەن دۋەتپەن ءان ايتۋدا الماتى وبلىسىنىڭ

مامانداندىرىلعان كۇزەت قىزمەتى باسقارماسى قىزمەتكەرلەرىنىڭ كورسەتكەن ونەرى وزگەلەردەن ەرەكشەلەنىپ تۇردى. تريو رەتىندە ءان ورىنداۋدا جامبىل وبلىسىنىڭ مامانداندىرىلعان كۇزەت قىزمەتى باسقارماسىنىڭ ونەرپازدارى مىقتى ەكەندىكتەرىن دالەلدەي بىلسە، الماتى قالالىق پوليسيا دەپارتامەنتىنىڭ تورتتىگى كۆارتەتتەر اراسىندا ۇزدىك دەپ تانىلدى.

وڭىرلىك كونكۋرستىڭ جەڭىمپازدارى قازان ايىنىڭ 14-16 جۇلدىزى ارالىعىندا پەتروپاۆل قالاسىندا وتەتىن رەسپۋبليكالىق فەستيۆالدە ب ا ق سىنايدى