قىتاي-قازاق شەكاراسىن بۇزىپ، ساياسي بوسقىن مارتەبەسىن سۇراعان ەكى ازامات 1 جىلعا سوتتالۋى مۇمكىن دەپ جازادى Qamshy.kz اقپارات اگەنتتىگى "استانا" تەلەارناسىنا سىلتەمە جاساپ.

قاستەر مۇساقان ۇلىنىڭ قورعاۋشىسى مۇراگەر ءالىم ۇلى وسىلاي دەپ وتىر. ءقازىر سوتقا دەيىنگە تەرگەۋ جۇمىستارى ءجۇرىپ جاتىر. 

1 قازان قىتايدىڭ ءدوربىلجىڭ اۋدانىنان شىعىپ، زاڭسىز شەكارا كەسىپ قازاقستانعا كەلگەن مۇراگەر ءالىم ۇلى، قاستەر مۇساقان ۇلى ساياسي بوسقىن مارتەبەسىن سۇرايدى. قايتا بارساق، ارنايى لاگەردەن ءبىر-اق شىعامىز، دەيدى. «اتاجۇرت ەرىكتىلەرى» ۇيىمىنىڭ جەتەكشسى حالىقارالىق ەرەجەلەرگە ساي مەملەكەت ولاردى قىتايعا تاپسىرماۋى قاجەت دەپ وتىر.

بەكزات ماقسۇتحان ۇلى، "اتاجۇرت ەرىكتىلەرى" باسشىسى: "حالىقارالىق زاڭدار بار. بوسقىن باسىنا  ەگەردە شىنىمەن اۋىر جاعدايعا تۇسكەن بولسا ونى قايتارماۋ كەرەك دەگەن. ياعني كوپ مەملەكەتتە كەلىسىم بار سول بويىنشا قايتارىلمايدى دەپ."

ەكى ازاماتقا قاتىستى مەملەكەتتىك شەكارانى زاڭسىز كەسىپ ءوتۋ فاكتىسى بويىنشا سوتقا دەيىنگى تەرگەۋ ءجۇرىپ جاتىر. ادۆوكات باۋىرجان ازانوۆ ولار شەكارانى كەسۋىگە ءماجبۇر بولعانىن ايتىپ وتىر.

ءبىزدىڭ قك 392 بابى 1ء-شى ءبولىمىنىڭ سانكسياسى بويىنشا 1 جىلعا سوتتالۋى مۇمكىن نە ايىپپۇل تولەيدى. ۇلتتىق قاۋىپسىزدىك كوميتەتى شەكارا قىزمەتى ءىستىڭ اق-قاراسىن انىقتاۋدا ەشقانداي زاڭسىز ارەكەتتەرگە جول بەرىلمەيتىنىن، بارلىعى زاڭعا سايكەس بولاتىنىن مالىمدەدى.

قىتايمەن شەكتەسىپ جاتقان شىعىس قازاقستان وبلىسىنا جىل باسىنان بەرى 131 جانۇيا اسپان استى ەلىنەن قونىس اۋدارعان. ماماندار بۇل پروسەستىڭ ەش قيىندىعى جوق، دەيدى. ولار ەلگە كەلىپ، كوشى-قون قىزمەتىندە ەسەپكە تۇرادى. سودان كەيىن قۇجاتتاردى حقكو-نا مەملەكەتتىك باعدارلاما بويىنشا كوشۋگە تاپسىرادى. ونىڭ ىشىندە جۇڭگو حالىق رەسپۋبليكاسى، موڭعوليا، ازەربايجان، رەسەي جانە دە وزبەكستان رەسپۋبليكاسىنان قونىس اۋداردى. 250 ادام مەملەكەتتىك باعدارلاما ارقاسىندا سۋبسيدياعا يە بولدى. ءبىراق جۇڭگو قانداي دا ءبىر قۇقىق زاڭ بۇزۋشىلىققا قاتىسى بار ازاماتتارعا ەلدەن شىعۋعا ۆيزا بەرمەيدى. ۇلتتىق قاۋىپسىزدىك كوميتەتى قاستەر مۇساحان ۇلىنىڭ وسىدان 13 جىل بۇرىن دا شەكارانى كەسىپ وتپەك بولعانى ءۇشىن ۇستالعانىن حابارلادى.

ال سىرتىق ىستەر مينيسترلىگىنىڭ رەسمي وكىلى قىتايداعى قازاقستان ەلشىلىگىنە قىسىم كوردىك دەپ، كومەك سۇراپ كەلگەن قازاقتار بولماعانىن ايتىپ وتىر.