تاعىلىمدى تۋعان جەرگە تاعزىم ەتىپ تۇلەتۋ – پەرزەنتتىك پارىزىمىز. «ادىرنا» ۇلتتىق-ەتنوگرافيالىق بىرلەستىگى «ازاماتتىق باستامالاردى قولداۋ ورتالىعى» كەاق-نىڭ مەملەكەتتىك گرانتى اياسىندا ق ر اقپارات جانە قوعامدىق دامۋ مينيسترلىگىنىڭ قولداۋىمەن جۇزەگە اسىرىلعان "تۋعان جەر" جوباسى ۇلتتىڭ بىرەگەيلىك تەمىرقازىعى سانالاتىن پاتريوتتىق تاربيەنىڭ نەگىزگى وزەگى بولماق.
وسى سەگىز ايدىڭ ىشىندە جاستاردا ۇلتتىڭ رۋحاني جاڭعىرۋىنا باستايتىن «تۋعان جەر» جوباسىن ءساتتى جۇزەگە اسىرۋ بويىنشا ناقتى ۇسىنىستار مەن بىرنەشە جوبالار قولعا الىندى. جۇرەگى ەلىم دەپ سوققان ءار ازامات تۋعان جەرىنە وزىنشە ۇلەس قوستى. تۋعان جەرگە دەگەن ەرەكشە قۇرمەتتىڭ ءبىر كورىنىسى تۋعان جەردىڭ كوسەگەسىن كوگەرتۋگە اتسالىسۋدان بايقالادى. اتامەكەندى قاستەرلەپ سۇيۋگە، تۋعان جەر ءقادىرىن ارتتىرۋعا، زاماناۋي وزىق وركەنيەت ۇلگىلەرىن دامىتۋعا دەگەن شامشىراق ۇراننىڭ كۇشتىلىگى وسىندا.
اتقارىلعان جۇمىستاردىڭ جەمىسى - ناتيجەدەن كورىنەدى. وسى ورايدا جاستار اراسىندا بىرنەشە ءىس-شارالار بولىپ ءوتتى. رەسپۋبليكالىق «تۋعان جەر» پاتريوتتىق شىعارماشىلىعى ۇيىمداستىرىلدى. «ۇزدىك ماقالا»، «ۇزدىك پوەزيا»، «ۇزدىك بەينەلەۋ ونەرى»، «ۇزدىك ونەرتابىس»، «ۇزدىك بەينەروليك»، «ۇزدىك ءداستۇرلى مۋزىكا ورىنداۋشىسى» نوميناسيالارى بويىنشا رەسپۋبليكالىق بايقاۋ جاريالانعان ەدى. ءوز وتانىنىڭ، ءوز جەرىنىڭ، ەلىنىڭ داڭقىن كوتەرگەن، جاستار شىعارماشىلىعىنىڭ ءارتۇرلى باعىتىندا تالانتتارى انىقتالىپ، ارنايى سىيلىقتار تابىستالدى. قازاقستان حالقى اسسامبلەياسى ارقىلى وزگە ۇلت وكىلدەرى اراسىندا «تۋعان جەرىم – قازاقستانىم» اتتى پوەزيالىق بايقاۋى ۇيىمداستىرىلدى. پوەزيالىق بايقاۋ سولتۇستىك قازاقستان، پاۆلودار، قوستاناي جانە اقمولا وبلىستارىنداعى وزگە ۇلت وكىلدەرىنىڭ جاستارى اراسىندا ءوتتى. جەڭىمپازدار العىس حاتتارمەن جانە ارنايى سىيلىقتارمەن ماراپاتتالدى.
سونىمەن قاتار اۋىلدارداعى (شالعاي ەلدى-مەكەندەردە) بىلىكتى جاس مامانداردى جانە ءوز اۋىلىنىڭ كوركەيۋىنە ۇلەس قوسىپ جاتقان كاسىپكەرلەردى ب ا ق ارقىلى ناسيحاتتاۋ جۇمىستارى جۇرگىزىلدى. ءىس-شارالاردىڭ سوڭىندا «تۋعان جەرگە تۋىڭدى تىك» اتتى دوڭگەلەك ۇستەل ۇيىمداستىرىلدى. دوڭگەلەك ۇستەل ارقىلى حالىققا جوبانىڭ قورىتىندى ناتيجەلەرىمەن تانىستىردى. پاتريوت جاستار كوبەيسىن دەسەك ءدال وسىنداي اۋقىمدى جوبالار كەرەك-اق. جاستار ساناسىنا سەرپىلىس بەرەتىن مۇنداي جوبالاردىڭ ماڭىزى زور.
پىكىر قالدىرۋ