ۇستىمىزدەگى جىلدىڭ 10 ايىندا قازاقستاننان كوپ مولشەردە سىرتقا قارجى اۋدارىلعان. بۇل تۋرالى finprom.kz./ اقپاراتتىق پورتالى حابارلادى دەپ جازادى Qamshy.kz اقپارات اگەنتتىگى. 

2019 جىلدىڭ قاڭتار-قازان ايلارىندا شەتەلدىك بانكتەرگە قازاقستاننان 540،4 ميلليارد دوللار قارجى اۋدارىلعان. بۇل وتكەن جىلعىدان 8،2 پايىز كوپ.

ال شەتەلدەن ءبىزدىڭ ەلىمىزگە كەلىپ تۇسكەن قارجى 290،2 ميلليارد تەڭگە، بۇل وتكەن جىلعىعا قاراعاندا 1 پايىزعا ازايعان.

سوندا قازاقستاننان قاي ەلدەرگە قارجى اۋدارىلعان؟ ءبىرىنشى ورىندا ورىستار، ەكىنشى ورىندا وزبەكتەر تۇر. ون ايدىڭ ىشىندە رەسەيگە 171،9 ميلليارد تەڭگە، ال وزبەكستانعا 119،6 ميلليارد تەڭگە اۋدارىلعان.  تۋركياعا 75،5 ميلليارد، قىرعىزستانعا 70،5 ميللياردا تەڭگە كەتكەن كورىنەدى. جالپى العاندا سىرت ەلدەردىڭ بانكتەرىنە اۋدارىلعان اقشانىڭ 81 پايىزى اتالعان ءتورت ەلگە تيەسىلى بولىپ وتىر.

ال رەسەيدەن قازاقستانعا 112،5 ميلليارد تەڭگە كەلگەن. ودان كەيىنگى ورىندا وڭتۇستىك كورەيا (54،5 ميلليارد). ءۇشىنشى جانە ءتورتىنشى ورىندى وزبەكستان (25) مەن قىرعىزستان (24 ميلليارد) الىپ تۇر. دەمەك، مۇنىڭ بارلىعى الىس- بەرىس پەن قازاقستاندا جۇمىس ىستەپ جاتقان جەكە تۇلعالار جانە ءوندىرىس، كاسىپورىندار اراسىنداعى ساۋدا كورسەتكىشى بولسا كەرەك.