سالاۋاتتى ءومىر سالتىن قالىپتاستىرۋ، تەمەكى، ەسىرتكىگە جولاماۋ، سونداي-اق ىشىمدىك ىشپەۋ جاعىنان قاي ەلدەن ۇلگى الۋعا بولادى؟
بۇل جونىنەن تمد مەملەكەتتەرىنىڭ ىشىنەن اسىرەسە، سولتۇستىك كاۆكاز ايماعى ءبىرىنشى ورىندا. اتاپ ايتار بولساق، ءبىرىنشى ورىندا شەشەنستان تۇر. ونان كەيىن داعىستان، كاباردين-بالكار، ينگۋشەتيا، سولتۇستىك وسەتيا-الانيا رەسپۋبليكالارىنىڭ حالقى سالاۋاتتى ءومىر سالتىن قالىپتاستىرعان. ولاردىڭ باسىم كوپشىلىگى تەمەكى شەكپەيدى، اراق ىشپەيدى، ەسىرتكى قولدانبايدى. بۇل تۋرالى https://ria.ru/ حابارلادى دەپ جازادى Qamshy.kz اقپارات اگەنتتىگى.
نەگە كاۆكاز حالقىنىڭ ۇل-قىزدارى ۇلتقا جات جاعىمسىز ارەكەتتەردەن ادا بولىپ وتىر. مۇنىڭ سەبەبىن ساراپشىلار بىرنەشە سەبەپتەن كورەدى. ەڭ باستىسى- بۇل وتباسىلىق تاربيەدەن. وتباسى قۇندىلىعى مەن ادەت-عۇرىپتى جانە ءدىندى قاتاڭ ۇستاناتىن كاۆكازدىقتار ءقازىر بۇل جاعىنان باسقالارعا ۇلگى. ءبىر ايتا كەتەر جايت، جاستارى جاعىمسىز ادەتتەردەن اۋلاق جۇرەتىن رەسپۋبليكا رەتىندە تاتارستان دا اتالعان. تاتارلار العاشقى وندىققا ەنگەن. دەمەك، بۇلان شىعاتىن قورىتىندى نە؟
يسلام ءدىنىن ۇستاناتىن رەسەيدىڭ اتالعان ايماقتارى قالاي ايتقاندا دا، ءتالىمدى تاربيە مەن وتباسىلىق قۇندىلىق جانە ءدىننىڭ ارقاسىندا جاعىمسىز ادەتتەردەن بويىن اۋلاق ۇستايتىنى بايقالىپ وتىر.
ال رەسەيدىڭ اراقتى كوپ ىشەتىن، تەمەكىنى كوپ شەگەتىن، ەسىرتكىنى كوپ قولداناتىن ايماعى رەتىندە ءسىبىر، سولتۇستىك جانە قيىر شىعىس، ساحالين، ماگادان، سونىمەن قاتار يامالو-نەنەس اۆتونوميالىق وكرۋگىنىڭ تۇرعىندارى اتالعان. مۇنىڭ سەبەبىن ساراپشىلار ەڭ الدىمەن قاتاڭ كليماتتىق جاعدايدان دەپ وتىر. بۇل عانا ەمەس، باسقا دا سەبەپتەرى بار عوي.
ال ءبىز جاعىمسىز ادەتتەردەن قانشالىقتى ادامىز؟ قازاقستاندا قانشا ادام تەمەكى شەگەدى؟ ساراپشىلاردىڭ زەرتتەۋىنە قاراعاندا، 4 ميلليون ادام شاماسىندا. جاقسى ەمەس.
ال ورتا ەسەپپەن ءار قازاقستاندىق جىلىنا 9 ليتر اراق ىشەدى. بۇل جاعىنان ەۋرازيا قۇرلىعى بويىنشا 19، ال الەم بويىنشا قازاقستان 77 ورىنعا شىققان.
سونداي-اق قازاقستاندا 126 مىڭ ادام ىشىمدىككە تاۋەلدى رەتىندە تىركەلگەن.
پىكىر قالدىرۋ