وتىزدىققا ون قادام قالعانداي سەزىنەتىن قازاقستاندا حالىقتىڭ ءبىراز بولىگى ساۋدا سالاسىندا جۇمىس ىستەيدى. ويتپەي، ءقايتسىن: ەلدە 1،68 ميلليون جۇمىسكەردىڭ تەك ورتا ءبىلىمى عانا بار.

بۇل تۋرالى ەڭبەك رەسۋرستارىن دامىتۋ ورتالىعىنىڭ ( ەردو) ساراپشىلارى مالىمدەگەن. ولار ق ر ۇلتتىق ەكونوميكا مينيسترلىگى ستاتيستيكا كوميتەتىنىڭ دەرەكتەرى نەگىزىندە تالداۋ جاساپ وتىر.

رەسمي مالىمەتكە سۇيەنسەك، رەسپۋبليكا تۇرعىندارى  – 18،5 ميلليون ادامنىڭ ىشىندە 9،2 ميلليون ادام جۇمىس كۇشى رەتىندە ەسەپتەلەدى. ال شىن مانىندە، ونىڭ 8،7 ميلليون ادامى عانا جۇمىس ىستەيدى. تاعى ءبىر ءمان بەرەتىن جايت، جاڭاعى جۇمىس ىستەيتىن ادامىڭىزدىڭ 6،7 ميلليونى – جالدامالى جۇمىسشىلار.

ناقتىراق ايتقاندا، جۇمىسپەن قامتىلعانداردىڭ ىشىندە ارنايى ءبىلىمى جوق – 1،68 ملن. ادام بار.  ورتا كاسىپتىك بىلىمگە يە ادام سانى ازىرگە 3،74 ميلليون.  ال 3،35 ميلليون ادام جوعارى ءبىلىم ساناتىندا .

ايتا كەتەيىك،  جۇمىسپەن قامتىلعانداردىڭ جارتىسىنان كوبى، 5،7 ملن. ادام ءوز ماماندىعى بويىنشا جۇمىس ىستەيدى. بۇل قازاقستاندىقتاردىڭ 65%-ى عانا ءوز ماماندىعى بويىنشا ەڭبەكتەنىپ ءجۇر دەگەن ءسوز.

قوزىباي قۇرمان