پرەزيدەنت ق.توقايەۆ ساكەن سەيفۋللين اتىنداعى قازاق اگروتەحنيكالىق ۋنيۆەرسيتەتىندە بولدى، دەپ حابارلايدى Qamshy.kz اقپارات اگەنتتىگى اقوردا سايتىنا سىلتەمە جاساپ.

مەملەكەت باسشىسى وقۋ ورنىنىڭ وقۋ-زەرتتەۋ قىزمەتىمەن تانىسىپ، وقىتۋشىلار جانە ستۋدەنتتەرمەن اڭگىمە ءوربىتتى.

ۋنيۆەرسيتەت رەكتورى اقىلبەك كۇرىشبايەۆ پرەزيدەنتكە مولەكۋلالىق بيولوگيا مەن گەندىك ينجەنەريانىڭ زاماناۋي ادىستەرىن قولدانا وتىرىپ، وسىرىلەتىن داقىلداردىڭ جاڭا تۇرلەرىن تانىستىردى. 5 جىل ىشىندە ۋنيۆەرسيتەت عالىمدارى بيداي مەن ارپانىڭ قۇرعاقشىلىققا ءتوزىمدى جاڭا سورتتارىن جاساپ شىعارعان.

قاسىم-جومارت توقايەۆقا بيوورگانيكالىق تىڭايتقىشتار وندىرىسىندە جاڭا تەحنولوگيالاردى قولدانۋ، ۆەتەرينارلىق جۇيەنى سيفرلاندىرۋ جانە جانۋارلاردى تىركەۋ پروسەسى تۋرالى ايتىلدى.

سونىمەن قاتار، قاسىم-جومارت توقايەۆقا ۋنيۆەرسيتەتتىڭ الەمنىڭ جەتەكشى عىلىمي جانە ءبىلىم بەرۋ ورتالىقتارىمەن بايلانىسى تۋرالى اقپارات بەرىلدى. قازاتۋ-دەگى حالىقارالىق ىنتىماقتاستىقتىڭ ماڭىزدى باعىتتارىنىڭ ءبىرى ەكى دەڭگەيلى بىلىمگە كوشۋگە مۇمكىندىك بەرەتىن فرانسيانىڭ AgroParisTech ۋنيۆەرسيتەتىمەن بىرلەسىپ جاسالعان جول كارتاسىن جۇزەگە اسىرۋ بولدى.

ستۋدەنتتەرمەن كەزدەسۋ بارىسىندا مەملەكەت باسشىسى وزىق تەحنولوگيالاردى قولدانۋدىڭ وزەكتىلىگىن اتاپ ءوتتى.

– سىزدەر ماڭىزدى ىسپەن اينالىسىڭىزدار. اسىرەسە، دامىعان ەلدەردە روبوتوتەحنيكا، سيفرلاندىرۋ جانە جاساندى ينتەللەكت – قازىرگى ءومىردىڭ شىندىعى. سوندىقتان ءبىز ەشقاشان ارتتا قالماۋىمىز كەرەك. جاقسى وقىڭىز. سەبەبى، ءسىز ول ارقىلى بولاشاق ومىردە ءوز ورنىڭىزدى تابا الاسىز. ويتكەنى، بىزگە جەكە جانە مەملەكەتتىك سەكتوردا وسىنداي ماماندار قاجەت، – دەدى پرەزيدەنت.

ءوز كەزەگىندە ستۋدەنتتەر قاسىم-جومارت توقايەۆقا كورسەتكەن قولداۋى ءۇشىن جانە 2020 جىلدىڭ قاڭتارىنان باستاپ ستيپەنديا مولشەرىن 25% -عا ارتتىرۋ تۋرالى تاپسىرماسى ءۇشىن العىس ءبىلدىردى.

سامال قوجامجاروۆا