ق ر دەنساۋلىق ساقتاۋ مينيسترلىگىنىڭ رەسمي وكىلى دياس احمەتشارىپ قازاقستاندا 248 جۇڭگو ازاماتىنىڭ كارانتينگە الىنعانىن ايتتى. بۇل تۋرالى ول نۇر-سۇلتاندا وتكەن بريفينگتە حابارلادى.
ۇلتتىق قاۋىپسىزدىك كوميتەتى شەكارا قىزمەتىنىڭ مالىمەتتەرىنە سۇيەنسەك، 6 قاڭتاردان 1 ناۋرىزعا دەيىن قىتايدان مەملەكەتتىك شەكارا بەكەتتەرى ارقىلى قازاقستانعا 32 456 ازامات كەلگەن.
– كەلگەندەردە ۆيرۋس دەڭگەيى جوعارى. ولار 1 "ا" كاتەگورياسىنا جاتاتىندار، ياعني قحر مەن يران ەلدەرىنەن كەلگەندەر. 2020 جىلدىڭ 20 اقپان - 4 ناۋرىز ارالىعىندا قىتايدان كەلگەن بارلىعى 315 ادام وقشاۋلاندى. ولاردىڭ 64ء-ى - قازاقستان ازاماتى. 251 شەتەلدىك بار، ولاردىڭ 248ء-ى - جۇڭگو ازاماتى. يراننان 24 ادام كەلدى. ولاردىڭ 9-ى - قازاقستاندىق، 15ء-ى - يراننان كەلگەن، - دەدى احمەتشارىپ.
بريفينگتە كوروناۆيرۋس كۇدىگىمەن 63 ادام تەكسەرىستەن وتكەنى، ولاردان ەشقانداي دا ۆيرۋستىڭ بەلگىلەرى تابىلماعانى اتالىپ ءوتىلدى.
پىكىر قالدىرۋ