ماڭعىستاۋ وبلىسىندا "مادەنيەت جانە ونەر قىزمەتكەرلەرى" كۇنىنە ارنالعان سالتاناتتى شارا ءوتتى. ونەردى ومىرىنە سەرىك ەتكەن جانداردى كاسىبي مەرەكەسىمەن وبلىس اكىمىنىڭ ورىنباسارى قانىبەك جۇماشيەۆ قۇتتىقتاپ، سالا ماماندارىنىڭ قوعامداعى رولىنە ەرەكشە توقتالدى.  باسقوسۋدا ءتول مەرەكە يەلەرى ماراپاتتالىپ، قوشەمەتكە بولەندى. مادەنيەت جانە سپورت مينيسترلىگىنىڭ "مادەنيەت سالاسىنىڭ ۇزدىگى" توسبەلگىسىمەن سازگەر، بالالار اقىنى كومەك ىبىراي ۇلى،  م.وسكىنبايەۆ اتىنداعى وبلىستىق فيلارمونياسى، كىشى سيمفونيالىق وركەسترىنىڭ ءارتىس-اسپاپشىسى تۇرسىنگۇل مەڭدىعالييەۆا، ابىل تاراق ۇلى اتىنداعى ۇلت-اسپاپتار وركەسترىنىڭ ءارتىسى اجار كوبەگەنوۆا، ن.ءجانتورين اتىنداعى وبلىستىق مۋزىكالىق دراما تەاترنىڭ اكتريساسى مايرا باقبەردييەۆا جانە "اقتاۋ قالالىق ورتالىق كىتاپحانا" ديرەكتورىنىڭ م.ا نۇرياش ەگدىربەكوۆا ماراپاتتالدى.

ماڭعىستاۋ وبلىسى اكىمى سەرىكباي ترۇموۆتىڭ العىس حاتىمەن مو قۋىرشاق تەاترىنىڭ اكتەرى ەرجان بيگاشيەۆ، ايتىسكەر اقىن فارحاد مۋسايەۆ، ارت "ونەر" گالەرەياسىندا سۋرەتشى، بەزەندىرۋشى ايمۇرات تاڭاتاروۆ،  مو كينو جانە مادەني قىزمەت كورسەتۋ ورتالىعى ديرەكتورىنىڭ ورىنباسارى زليحا ساپاروۆا ماراپاتتالدى. سونداي-اق قالا-اۋداندارداعى 17 مادەنيەت قىزمەتكەردىڭ قاتىسا الماۋىنا بايلانىستى، وبلىس اكىمىنىڭ ماراپاتى اۋىلدارىنا جولداندى. تاعىلىمدى شارادا تەاتر، فيلارمونيا ارتىستەرى ءوز ونەرلەرىن ورتاعا سالدى. ونلاين فورماتتاعى باسقوسۋ مو مادەنيەت، تىلدەردى دامىتۋ، ارحيۆ ءىسى باسقارماسىنىڭ باسشىسى ءپانيا سارمۋرزينانىڭ جانە مادەنيەت قىزمەتكەرلەرىنىڭ قاتىسۋىمەن وتەتىن ونلاين-سۇحباتقا جالعاستى.