قازاقستان بيلىگى ەلدە كوروناۆيرۋس ءورشىپ، اۋىرعان ازاماتتار اۋرۋحانعا سىيماي، ءدارىحانالاردا ءدارى جەتىسپەي جاتقان تۇستا ەلدىڭ ەكس-پرەزيدەنتى نۇرسۇلتان نازاربايەۆتىڭ 80 جىلدىعى مەن ەل استاناسى نۇر-سۇلتان قالاسىنىڭ كۇنىن اتاپ ءوتتى. 5 شىلدە كۇنى ەلدىڭ بارلىق ايماعىندا ەكىنشى رەت كارانتين جاريالاعان بيلىك توي-جيىنعا تىيىم سالعان بولاتىن. ءبىراق 6 شىلدە كۇندىز نۇر-سۇلتاندا بيلىكتىڭ ۇيىمداستىرۋىمەن كونسەرت ءوتىپ، تۇنگە قاراي ويىن-ساۋىق ارتى وتشاشۋعا ۇلاستى.
"ولىكتىڭ ۇستىنە بيلەۋ دەگەن وسى"
Facebook جەلىسىندە جازىلعان پىكىرلەردەن كارانتين كەزىندە ويىن-ساۋىق جاساپ، ساليۋت اتقان بيلىك اركەتىنە دەگەن قارسىلىقتى بايقاۋعا بولادى.
ەسداۋلەت قىزىربەك ۇلى، جۋرناليست:
– ولىكتىڭ ۇستىنە بيلەۋ دەگەن وسى.
جانبولات ماماي، وپپوزيسيا بەلسەندىسى، ساياساتكەر:
ەرلان تولەۋتاي، ءانشى، جەلى بەلسەندىسى:
– ادام توزاققا دا ۇيرەنەدى، ءۇش كۇننەن كەيىن بىر-بىرىنە وت شاشىپ وينايدى دەيدى. اۋرۋحانالاردا توزاق ورناعان. مورگتەردە وشىرەت. استانادا ساليۋت اتىپ جاتىر...
نۇرتاي ەرنازار، جەلى قولدانۋشىسى:
– مىناداي اۋىر ساتتە وتشاشۋ جاساماي-اق ءۇنسىز عانا تويلايىق دەۋگە ەشكىمنىڭ باتىلى جەتپەگەن-اۋ ءسىرا! ەل امان بولسا توي كوپ قوي، قويا سالىڭدار دەۋگە كوكەمنىڭ دە "قۇدىرەتى" جەتپەپتى. ءبىزدى قويشى، ۇيرەنگەنبىز عوي، سىرتتاعى جۇرت نە ويلايدى؟.. تراگەديا ۇستىندەگى توي رەتىندە تاريحتا قالماسا بولعانى.
قۋانىش ەدىلحانتەگى، جەلى بەلسەندىسى:
كۇلتەگىن اسپان ۇلى، جەلى قولدانۋشىسى:
قازاقستاندا كوروناۆيرۋس جۇقتىرعاندار العاش رەت ناۋرىز ايىنىڭ باسىندا انىقتالا باستادى. ارتىنشا ەلدە ەكى ايعا جۋىق توتەنشە جاعداي رەجيمى جاريالانىپ، قالالار كارانتينگە جابىلدى. مامىر ايىنىڭ ورتاسىندا بيلىك توتەنشە جاعداي رەجيمىن الىپ، كارانتين شەكتەۋلەرىن جەڭىلدەتە باستاعاندا ۆيرۋس جۇقتىرعاندار سانى كۇرت ءوستى. سوڭعى ايدا ەلدە كۇنىنە كەمى 1000 ادامنان ۆيرۋس انىقتالىپ ءجۇر.
ءقازىر ەلدەگى ءدارىحانالاردا ءدارى تاپشى. اۋرۋحانالارعا ناۋقاستار سىيماي جاتىر.
پىكىر قالدىرۋ