NASA عارىشكەرلەرى داگ حەرلي مەن بوب بەينكەن ەكى اي عارىش ستانسياسىندا بولعاننان كەيىن جەرگە ورالدى.

SpaceX Dragon كاپسۋلاسى فلوريدا شىعاناعى جاعالاۋىنا قۇلادى.

ەكيپاج ميسسياسىنىڭ ءساتتى اياقتالۋى – امەريكالىق عارىش اگەنتتىگى ءۇشىن جاڭا ءداۋىردىڭ باستالعانىنىڭ بەلگىسى.

بۇگىننەن باستاپ عارىشتى باعىندىرۋدا SpaceX سياقتى جەكە كومپانيالار ۇلكەن ءرول ويناي باستايدى.

مەملەكەتتىك اگەنتتىكتىڭ مالىمدەۋىنشە، كومپانيالارمەن ىنتىماقتاستىق ارقىلى ميللياردتاعان دوللارلار ۇنەمدەلەدى، بۇل اي مەن مارسقا عارىشكەرلەردى جىبەرۋگە جول اشادى.

حەرلي مەن بەننكەننىڭ كاپسۋلاسى EDT ۋاقىتىمەن 14:45-تەن كەيىن (الماتى ۋاقىتىمەن 00:45) كوپ ۇزاماي تەڭىزگە ءتۇستى.

بۇعان دەيىن NASA عارىشكەرلەرىنىڭ جەرگە ورالاتىنىن حابارلاعان بولاتىنبىز. 30 مامىردا NASA جانە SpaceX كومپانياسى ەكى عارىشكەردى حالىقارالىق عارىش ستانسياسىنا جىبەرگەن. ول كۇن "امەريكالىق عارىشتىق باعدارلامانىڭ جاڭا ءداۋىرى باستالعان كۇن" دەپ سيپاتتالعان. ويتكەنى NASA عارىشكەرلەرى اقش توپىراعىندا 2011 جىلدان بەرى عارىشقا ۇشپاعان. 2011 جىلدان باستاپ ولار عارىشقا بايقوڭىردان ۇشىپ كەلگەن.

ۇشىرىلىم ءساتتى بولعاننان كەيىن، عارىش كەمەسىنىڭ قازاقستاننان وتكەن ءساتىنىڭ ۆيدەوسىن جاريالاعان بولاتىنبىز.