نۇر-سۇلتان قالاسىندا "استانا راۋشان كاسسا اينالىمى" قارجى پيراميداسىنىڭ جولى كەسىلدى، دەپ حابارلادى قارجى مينيسترلىگى قارجى مونيتورينگى كوميتەتىنىڭ باسپا ءسوز قىزمەتى. 

كومپانيا 2020 جىلدىڭ قاڭتارىندا قارجى پيراميداسىنىڭ نەگىزىندە قۇرىلعان. ونى قۇرعان ەلوردا تۇرعىنى مىڭنان استام ادامنان زاڭسىز جولمەن اقشا الىپ، ولاردى تاقىرعا وتىرعىزعان. قازىرگى كەزدە كەلتىرىلگەن شىعىن ەسەپتەلىپ جاتىر. 

"قازىرگى تاڭدا اتالعان فاكت بويىنشا ق ر قك 217-بابى 2ء-بولىمى 4-تارماعىنا سايكەس سوتقا دەيىنگى تەرگەۋ ءىسى جۇرگىزىلۋدە (ءىرى مولشەردە اقشانى تارتا وتىرىپ، قارجىلىق پيراميدانى قۇرۋ جانە وعان باسشىلىق ەتۋ). جوعارىدا كورسەتىلگەن قارجى پيراميداسىنىڭ زاڭسىز ارەكەتىنەن جاپا شەككەندەردى نۇر-سۇلتان قالاسى بويىنشا ەكونوميكالىق تەرگەۋ دەپارتامەنتىنە جۇگىنۋىن سۇرايمىز (جەلتوقسان كوشەسى، 43 ءۇي، تەل.: 31-61-45، ۇيالى تەل.: 8-701-218-5318، 8-701-888-9316)" دەلىنگەن حابارلامادا.