قازاق حالقى مەن ءتىلىن قورلاعان قوستاناي وبلىسى رۋدنىي قالاسىنىڭ تۇرعىنى كيريلل الەكساندروۆيچ بوجكوعا قاتىستى 22 قىركۇيەك كۇنى اكىمشىلىك قۇقىق بۇزۋشىلىق تۋرالى كودەكستىڭ 667-بابى 1-بولىگى (پوليسيا قىزمەتكەرىنىڭ تالابىنا باعىنباۋ) بويىنشا سوت ۇكىمى شىقتى. 

"جاقىندا شىققان جازبالارعا بايلانىستى تومەندەگىنى حابارلايمىز.
2020 جىلعى 22 قىركۇيەكتە سوتقا اكىمشىلىك قۇقىق بۇزۋشىلىق تۋرالى كودەكستىڭ 667-بابى 1-بولىگى پوليسيا قىزمەتكەرىنىڭ تالابىنا باعىنباۋ بويىنشا قالا تۇرعىنى ك. بوجكوعا قاتىستى ءىس كەلىپ ءتۇستى.
بۇل باپ بويىنشا ەسكەرتۋ نەمەسە ايىپپۇل تۇرىندە 20 اەك نەمەسە 5 تاۋلىككە دەيىن قاماۋعا الۋ قاراستىرىلعان.
سوت قۇقىق بۇزۋشىلىقتى دالەلدەنگەن دەپ تانىدى.
اۋىرلاتاتىن جاعداي الكوگولدىك ماساڭدىق جاعدايىن انىقتادى.
بوجكونىڭ بۇرىن بىرنەشە رەت جاۋاپقا تارتىلعانىن ەسكەرە وتىرىپ، سوت ەڭ قاتاڭ جازانى – 5 تاۋلىككە قاماۋعا الۋ تۋرالى جازا تاعايىندادى.
زاڭ بويىنشا سوتتىڭ ادامدى زاڭنىڭ نەعۇرلىم وزگە قاتال بابى بويىنشا جاۋاپقا تارتۋعا قۇقىعى جوق.
بۇل ماسەلەلەر قۇقىق قورعاۋ ورگاندارىنىڭ قۇزىرەتىنە جاتادى" دەلىنگەن رۋدنىي قالاسى اكىمشىلىك سوتىنىڭ رەسمي پاراقشاسىندا.

تومەندە كيريلل بوجكوعا قاتىستى سوت ۇكىمىنىڭ كورسەتىلگەن. 

قازاق حالقىنان كەشىرىم سۇراپ، ءوزىنىڭ ماس كۇيدە بولعانىن العا تارتقان بوجكو كيريللدىڭ تاعى ءبىر ۆيدەوسى جەلىدە جاريالاندى.